پاريج وليمپياداسىنىڭ جابىلۋ سالتاناتىن JIBEK JOLY ارناسى تىكەلەي ەفيردەن كورسەتەدى

استانا. KAZINFORM - قازاقستاندىقتار پاريج وليمپياداسىنىڭ جابىلۋ سالتاناتىن Jibek Joly ارناسىنان تىكەلەي ەفيردە كورە الادى. ءىس-شارانىڭ باعدارلاماسىن ۇيىمداستىرۋشىلار ازىرگە قۇپيا ۇستاپ وتىر.

2024 -جىلعى جازعى وليمپيادا ويىندارىنىڭ جابىلۋ سالتاناتى تامىزدىڭ 11-ىنەن 12-سىنە قاراعان ءتۇنى، استانا ۋاقىتىمەن ساعات 00.00-دە باستالادى. ال Jibek Joly ارناسى ازىرلەگەن تىكەلەي ەفير ساعات 22.30-دا باستالادى. تىكەلەي كورسەتىلىمنىڭ جۇرگىزۋشىلەرى- ديدار قادىروۆ پەن ليليانا ءالجانوۆا.

ال پاريج تورىنەن ارنا ءتىلشىسى كۇنسايا قۇرمەت پەن كوممەنتاتور راۋان وقاس قوسىلادى.

تەلەارنا ستۋدياسىنا سيدنەي وليمپياداسىنىڭ كۇمىس جۇلدەگەرى يسلام بايرامۋكوۆ، پاريج وليمپياداسىنىڭ قاتىسۋشىسى، دزيۋدوشى ءابيبا ءابۋجاقىنوۆا، اتلانت وليمپياداسىنىڭ چەمپيونى، گرەك- ريم كۇرەسىنەن ۇلتتىق قۇرامانىڭ باس باپكەرى يۋريي مەلنيچەنكو شاقىرىلىپ وتىر.

وليمپيادانىڭ جابىلۋ سالتاناتى پاريجدىڭ 80 مىڭ ادامعا ارنالعان Stade de France ستاديونىندا وتەدى.

ەسكە سالساق، 26-شىلدەدە باستالعان پاريج وليمپياداسىنىڭ العاشقى جارىس كۇنىندە قازاقستاننىڭ مەدال قورجىنىنا ءبىر التىن مەدال تۇسكەن بولاتىن. ودان كەيىنگى كۇندەردە دزيۋدوشى سپورتتىڭ 25 تۇرىنەن سىنعا تۇسكەن وزگە 79 سپورتشىلارىمىزدى ەشبىرى ەلدوس سمەتوۆتىڭ جەتىستىگىن قايتالاي العان جوق.

11-تامىزدىڭ تاڭىندا كورسەتكىشتەر بويىنشا قازاقستان ۇلتتىق قۇراماسى 1 التىن، 3 كۇمىس، 3 قولا مەدالمەن جالپى مەدالدەر كەستەسىندە 41-ورىندا تۇر.

جالپى بۇل جاھاندىق دوداعا دوداعا الەمنىڭ 205 ەلدىڭ 10500 سپورتشىسى قاتىسىپ، 32 سپورت تۇرىنەن 329 مەدال جيىنتىعىن ساراپقا سالىپ جاتىر.

اۆتور

ەسىمجان ناقتىباي