پاريج وليمپياداسىنا ارنالعان كيىم فورماسىنىڭ ديزاينىنا جاڭا كونكۋرس جاريالاندى

استانا. KAZINFORM - سپورت جانە دەنە شىنىقتىرۋ كوميتەتىنىڭ «سپورتتى دامىتۋ ديرەكسياسى» پاريجدەگى جازعى وليمپياداعا ارنالعان قازاقستان ۇلتتىق قۇراماسىنىڭ كيىم فورماسى مەن وعان قوسىمشا كەرەك-جاراق جابدىقتاردىڭ ديزاين تۇجىرىمداماسىن ازىرلەۋگە ارنالعان كونكۋرس قايتادان جاريالانعانىن حابارلادى.

وسىعان دەيىنگى اقپان ايىندا باستالعان قازاقستان ۇلتتىق قۇراماسىنىڭ كيىم فورماسى مەن وعان قوسىمشا كەرەك-جاراق جابدىقتاردىڭ ديزاين تۇجىرىمداماسىن ازىرلەۋگە ارنالعان كونكۋرستا قاتىسۋشىلاردىڭ ەشبىر ەسكيزى كوميسسيا مۇشەلەرىنىڭ كوڭىلىنەن شىقپاۋىنا بايلانىستى كوميسسيا 1-كونكۋرستى وتپەدى دەپ شەشىم شىعاردى.

كيىمدەر تۋ ۇستاۋشىلار، سالتاناتتى ءراسىم مەن جاتتىعۋعا ارنالعان جۇپتان تۇرادى. كونكۋرس كەزىندە كەلىپ تۇسكەن جۇمىستاردى ارنايى كوميسسيا قۇرامى قاراپ، ورتاق شەشىم قابىلدايدى. جۇمىس توبىنىڭ قاتارىنا تۋريزم جانە سپورت مينيسترلىگى سپورت جانە دەنە شىنىقتىرۋ كوميتەتى، ق ر ۇلتتىق وليمپيادا كوميتەتى، قازاقستان سپورتشىلارى وداعىنىڭ وكىلدەرى، داڭقتى سپورتشىلارىمىز بەن باق قىزمەتكەرلەرى كىرەدى.

بۇل قاتاردا ەلدوس سمەتوۆ، سەرىك ساپيەۆ، ازامات داۋلەتبەكوۆ، ءجاميلا باقبەرگەنوۆا، ولگا رىپاكوۆا، ءابيبا ابۋجاقىنوۆا، اننا اليابيەۆا، نۇربەك ورالباي، نۇرسۇلتان تۇرسىنوۆتى اتاپ وتۋگە بولادى.

كوميسسيا ءتوراعاسى - سپورتتى دامىتۋ ديرەكسياسىنىڭ ديرەكتورى ەرلان ەستەك.

كونكۋرس ەكى كەزەڭگە سوزىلادى جانە ءاربىر كەزەڭ جەڭىمپازى ەرەجە شارتتارىنا سايكەس كوميسسيا وتىرىسىندا انىقتالادى.

كونكۋرس كەزەڭدەرى:

I كەزەڭدە كوميسسيا كونكۋرسقا قاتىسۋشىلار وتىنىشتەرىن، ماتەريالدارىن قابىلداپ، قارايدى (2024-جىلعى 10-ءساۋىر 20:00 دەن 15-ءساۋىر ساعات 18:30 دەيىن).

Ⅱ كەزەڭدە كونكۋرس جەڭىمپازدارى انىقتالىپ، جاريالانادى (2024-جىلعى 16-17-ءساۋىر ارالىعى).

كونكۋرسقا قاتىسۋشىلارعا ءتۇسىندىرۋ جۇمىسىنا جانە جالپى كونكۋرس وتكىزۋگە ق ر ت س م سپورت جانە دەنە شىنىقتىرۋ كوميتەتى سپورتتى دامىتۋ ديرەكسياسىنىڭ مەملەكەتتىك ساتىپ الۋ ءبولىمىنىڭ باستىعى ەرجان اسقاروۆ جاۋاپتى.

اۆتور كۇنسۇلتان وتارباي