پاريج وليمپياداسى: قازاقستان دەلەگاتسياسىنا 900 ميلليون تەڭگەگە جۋىق قارجى ءبولىندى
استانا. KAZINFORM - قازاقستان دەلەگاتسياسىنىڭ پاريجدەگى وليمپيادا ويىندارىنا ساپارىن ۇيىمداستىرۋعا مەملەكەتتىك بيۋدجەتتەن قانشا قارجى ءبولىندى؟
وسى ورايدا ق ر تۋريزم جانە سپورت مينيسترلىگىنىڭ سپورت جانە دەنە شىنىقتىرۋ ىستەرى كوميتەتى Kazinform ءتىلشىسىنىڭ رەسمي ساۋالىنا جاۋاپ بەردى.
«قازاقستاندىق دەلەگاتسيانىڭ قاتىسۋىنا جۇمسالعان شىعىن قازىر 896687000 تەڭگە. بۇل قاراجات مەملەكەتتىك بيۋدجەتتەن بولىنگەن. بۇعان سپورت نىساندارىن جالعا الۋ، ساقتاندىرۋ، قازاقستاندىق دەلەگاتسيانىڭ ۇشۋى، شتاب مۇشەلەرىنىڭ تۇرۋى مەن تاماقتانۋى كىرەدى»، - دەپ جاۋاپ بەردى اگەنتتىك ءتىلشىسىنىڭ رەسمي ساۋالىنا.
بۇل رەتتە دەلەگاتسيا مۇشەلەرىنە وليمپيالىق اۋىل اۋماعىندا تۇرۋ قاراستىرىلعان.
قازاقستاندىق دزيۋدوشىلاردىڭ 2024 -جىلعى پاريج وليمپياداسىنداعى جارىس كەستەسى بەلگىلى بولعانىن جازعان ەدىك.
اۆتور
ەلميرا ورالبايەۆا