پاريج وليمپياداسى مەدالدارى نەدەن جاسالعانىن بىلەسىز با

استانا. KAZINFORM - فرانسيا استاناسى پاريج قالاسىندا وتەتىن XXXIII جازعى وليمپيادا ويىندارىندا جەڭىمپازدار مەن جۇلدەگەرلەرگە بەرىلەتىن مەدالدار نەدەن جاسالعانى بەلگىلى بولدى.

ناقتىراق ايتساق، مەدالدار بۇرىن جوندەۋ جۇمىستارى كەزىندە الىنعان ەيفەل مۇناراسىنىڭ ءتۇپنۇسقا سىنىقتارىنىڭ بالقىماسىنان جاسالعان.

التىبۇرىش پىشىنىندە جاسالعان بولىكتىڭ ورتاسىندا جازعى وليمپيادا ويىندارىنىڭ لوگوتيپى تۇر. التىبۇرىش -فرانسيانىڭ كارتاسى.

مەدالدىڭ ارتقى جاعىندا گرەكتەر ءۇشىن جەڭىس قۇدايى سانالاتىن نيكا، افيناداعى اكروپول جانە ەيفەل مۇناراسى بەينەلەنگەن.

ەستەرىڭىزگە سالا كەتەيىك، قازىرگى تاڭدا ءتورتجىلدىق دوداعا جولداما جەڭىپ العان قازاقستاندىق سپورتشىلارىمىز سوڭعى وقۋ-جاتتىعۋ جيىندارىن وتكىزىپ جاتىر. قازاقستان قۇراماسى وليمپيادا ويىندارىنا سپورتتىڭ 25 تۇرىنەن 92 جولداما جەڭىپ الدى.

فرانسيا استاناسى پاريج قالاسىندا وتەتىن XXXIII جازعى وليمپيادا ويىندارى 26-شىلدە مەن 11-تامىز ارالىعىندا وتەدى. ويىندارعا الەمنىڭ 205 ەلىنەن 10500 سپورتشى قاتىسادى دەپ جوسپارلانعان. وندا 32 سپورت تۇرىنەن 329 مەدال جيىنتىعى ساراپقا سالىنادى.

اۆتور

كۇنسۇلتان وتارباي