پاريج وليمپياداسى: 27- شىلدەدە كىمدەر جارىسقا شىعادى

پاريج. KAZINFORM - بۇگىن پاريجدەگى جازعى وليمپيادا ويىندارى رەسمي تۇردە باستالادى. ناقتىراق ايتساق، بۇگىن دزيۋدو، بوكس، سپورتتىق گيمناستيكا، اكادەميالىق ەسكەك ەسۋ، تەننيس، وق اتۋ، ۇستەل تەننيسى جانە ۆەلوسپورتتان سپورتشىلارىمىز سىنعا تۇسەدى.

اتالعان سپورت تۇرلەرىنەن سىنعا تۇسەتىن سپورتشىلارىمىز اراسىندا بىردەن مەدالعا تالاساتىندارى دا، العاشقى ىرىكتەۋ سىندارىنا قاتىساتىنى دا بار.

ناقتىراق ايتساق، دزيۋدوشىلارىمىز ءابيبا ءابۋجاقىنوۆا، ەلدوس سمەتوۆ جانە ۆەلوسپورتشى ەۆگەنيي فەدوروۆ باستاعان سپورتشىلارىمىز بىردەن جۇلدەلى ورىندارعا تالاسادى.

27-شىلدە كۇنگى جارىس كەستەسى:

دزيۋدو

48 ك گ، ءابيبا ابۋجاقىنوۆا - سارا ريشوني (يزرايل) 1-اينالىم

60 ك گ، ەلدوس سمەتوۆ - تورنيكە چكادۋا (نيدەرلاند) 1-اينالىم

العاشقى بەلدەسۋلەر استانا ۋاقىتىمەن ساعات 13:00-دە، ال فينال 19-00-دە باستالادى. ەلىمىزدە تىكەلەي ەفيردە Qazaqstan تەلەارناسى كورسەتەدى.

نىسانا كوزدەۋ

پنيەۆماتيكالىق ۆينتوۆكامەن 10 مەتردەن ارالاس جۇپتىق سىن - قازاقستان-1 كومانداسى (يسلام ساتپايەۆ، الەكساندرا لە)، قازاقستان-2 كومانداسى (ارينا التۋحوۆا، كونستانتين مالينوۆسكي). مۇندا ىرىكتەۋ ناتيجەسىندە 1-2 -ورىن العان قۇرامالار فينالعا شىعىپ، چەمپيوندى انىقتايدى. 3-4 -ورىن قولا مەدالدى ساراپقا سالادى. استانا ۋاقىتىمەن ىرىكتەۋ 12:00-دە، ال فينالدار 13:30-دا باستالادى.

پنيەۆماتيكالىق تاپانشامەن 10 مەتردەن نىسانا كوزدەۋدىڭ ىرىكتەۋى - نيكيتا چيريۋكين مەن يرينا يۋنۋسمەتوۆا. ەرلەر اراسىنداعى كۆاليفيكاتسيا شاتورۋدا ەلوردا ۋاقىتىمەن 13:30-دا، ايەلدەر اراسىنداعى جارىس 15:30-دا باستالادى. «حابار» ارناسى ەرلەر اراسىنداعى ىرىكتەۋدى كورسەتەدى.

اكادەميالىق ەسكەك ەسۋ

ىرىكتەۋ - ۆلاديسلاۆ ياكوۆليەۆ. ۇلتتىق قۇراما سپورتشىسى العاشقى التىلىقتا جارىسادى. ءار التىلىقتا جاقسى ناتيجە كورسەتكەن 3 سپورتشى تىكەلەي شيرەك فينالعا شىعادى. قالعاندارى ەرتەسىنە (28 -شىلدەدە) تاعى باعىن سىناپ كورەدى. جارىستى ەرتەڭ 11:55-تە Qazsport ارناسىنان كورە الاسىزدار.

سپورتتىق گيمناستيكا

كو پسايىس - ميلاد كاريمي، ات سناريادى - ناريمان كۋربانوۆ 18:30-دا «حابار» ارناسى، ىرىكتەۋ كەزەڭى.

ۆەلوسپورت

جەكەلەي سىنداعى ۋاقىتقا جارىستىڭ فينالى - ەۆگەنيي فەدوروۆ. Qazsport ارناسى 18:35-تە كورسەتەدى.

تەننيس

الەكساندر بۋبليك - تەيلور فريتس (ا ق ش) 15:00- Jibek Joly ارناسى.

يۋليا پۋتينتسيەۆا - مارتا كوستيۋك (ۋكراينا) 15:00- Jibek Joly ارناسى.

ۇستەل تەننيسى

كيريلل گەراسيمەنكو - نيكولاس بۋرگوس (چيلي) 23:00

بوكس

ءبىزدىڭ ۋاقىتپەن 27-سىنەن 28-ىنە قاراعان ءتۇنى ساعات 00:52-دە «حابار» ارناسىنىڭ ەفيرىندە:

63,5 ك گ: مۇحاممەدسابىر بازارباي ۇلى - ويەر يبارەچچە (يسپانيا).

اۆتور

كۇنسۇلتان وتارباي