پاريجگە قازاق بالۋاندارىنا قولداۋ كورسەتۋگە كەلدىم - داۋلەت تۇرلىحانوۆ

پاريج. KAZINFORM - فرانسيا استاناسى پاريج قالاسىندا ءوتىپ جاتقان وليمپيادا ويىندارىندا بۇگىن قازاق بالۋاندارى سىنعا تۇسەدى.

جارىس باستالار الدىندا قازاقتىڭ داڭىقتى بالۋانى داۋلەت تۇرلىحانوۆتى كەزدەستىرىپ قالدىق. ول پاريجگە كۇرەس تۇرلەرىنەن سىنعا تۇسەتىن قازاق جىگىتتەرىن قولداۋعا كەلگەنىن اتاپ ءوتتى.

«قازاق بالۋاندارىن قولداۋعا كەلىپ وتىرمىن. مىنە، كۇرەس تۇرلەرىنەن بالۋاندارىمىز پاريج وليمپياداسىن باستايدى. بۇگىن گرەك- ريم كۇرەسى مەن ايەلدەر كۇرەسىنەن العاشقى بەلدەسۋلەر وتەدى. گرەك-ريم كۇرەسىنەن ەكى بالۋانىمىز - 60 كەلىدە ايدوس سۇلتانعالي مەن 130 كەلىدە ءالىمحان سىزدىقوۆ سىنعا تۇسەدى. ەكەۋىنە دە جەرەبەدە مىقتى قارسىلاستار ءتۇستى. ەكەۋىدە ەڭ مىقتى دەگەن بالۋاندارمەن كۇرەسەدى. ساتتىلىك تىلەيمىن. جەڭىس - ەڭبەك پەن تەردىڭ ارقاسىندا كەلەدى. جىگىتتەرىمىز جانكۇيەرلەرىن قۋانتسىن. العا قازاقستان!»- دەدى داڭقتى بالۋان داۋلەت تۇرلىحانوۆ.

پاريج وليمپياداسىندا بۇگىن، ياعني 5-تامىز كۇنى قازاقستاندىق سپورتشىلار ستەند اتۋ، جەڭىل اتلەتيكا، گرەك- ريم كۇرەسى سەكىلدى 3 جارىس تۇرىنەن باق سىناۋدا.

اۆتور

كۇنسۇلتان وتارباي