پاريج مەرى وليمپيادا ويىندارى الدىندا سەنا وزەنىنە ءتۇستى

استانا. kazinform - پاريج مەرى انن يدالگو وليمپيادا قارساڭىندا سەنا وزەنىنىڭ جارىستارعا جارامدى ەكەنىن تەكسەرۋ ءۇشىن سۋعا شومىلدى، دەپ جازادى ت ا س س.

سۋعا ءتۇسۋ جاندارمدار مەن قۇتقارۋ قايىقتارىنىڭ، سونداي-اق كوپتەگەن ب ا ق وكىلدەرىنىڭ باقىلاۋىمەن ءوتتى. اكىمدىكتىڭ مالىمەتىنشە، 150 ب ا ق قىزمەتكەرى وسى وقيعانى كورسەتۋ ءۇشىن اككرەديتاتسيادان ءوتۋدى سۇراعان.

سونىمەن قاتار، ون شاقتى اۋەسقوي سپورتشى سۋعا ءتۇستى.

قالالىق اكىمدىك باسشىسى وزەن سۋلارىندا وليمپيادالىق ءجۇزۋ جارىستارىن وتكىزۋگە بارلىق جاعداي جاسالعانىنا سەنىم ءبىلدىردى. 2024 -جىلدىڭ جازىندا وليمپيادا ويىندارى اياسىندا پاريجدە اشىق سۋدا ءجۇزۋ جارىستارى (8-9-تامىز) جانە ترياتلون كەزەڭىن (30-31-شىلدە) وتكىزۋ جوسپارلانعان.