پاريج بيلىگى وليمپيادا الدىندا باسپاناسىز ادامداردى كوشىرىپ جاتىر

استانا. KAZINFORM - وسى اپتادا، سەيسەنبى جانە سارسەنبى كۇندەرى فرانسيا بيلىگى پاريجدىڭ سولتۇستىگىندەگى جاڭا ۇيسىزدەر لاگەرىن ەۆاكۋاتسيالادى، دەپ حابارلايدى Kazinform اگەنتتىگىنىڭ مەنشىكتى ءتىلشىسى.

فرانسۋز باسپا ءسوزى سەيسەنبى، شىلدەنىڭ 16 سى كۇنى تاڭەرتەڭ ەلوردانىڭ سولتۇستىگىندە، ۋرك كانالىنىڭ ماڭىندا 250 گە جۋىق ادام تۇراتىن ۇيسىزدەر لاگەرى كوشىرىلدى.

17-شىلدەدە تاعى سەن-دەني كانالى بويىندا، ستەينس كوپىرى مەن كورەنتين كاريۋ داڭعىلىنا قاراي باسپاناسىز ادامداردى ەۆاكۋاتسيالاۋ جۇمىستارى جۇرگىزىلدى.

جەرگىلىكتى جۋرناليستەر بۇل 26-شىلدەدە پاريجدە 2024 -جىلعى وليمپيادا ويىندارى باستالار الدىندا «الەۋمەتتىك تازارتۋ» ماقساتىندا جاسالىپ جاتقانىن اتاپ ءوتتى. ولار (ۇيسىزدەر) وليمپيادا الاۋىنىڭ جولىندا بولعاندىقتان ەۆاكۋاتسيالانعان. وسىلايشا، وليمپيادا الاۋى 26-شىلدەدە سەن-دەني كانالىنىڭ بويىمەن وتەدى جانە اشىلۋ سالتاناتى كەزىندە پورت-دە-لا-ۆيللەتتەن «ستاد دە فرانس» ستاديونىنا دەيىن جەتكىزىلەدى.

2023 -جىلدىڭ ساۋىرىنەن 2024 -جىلدىڭ مامىرىنا دەيىن 138 باسپاناسىز ادامدار عيماراتى كوشىرىلدى. ونىڭ ىشىندە 12500 دەن استامى يل-دە-فرانس ايماعىنان شىعارىلعان. بۇل 2021-2022 -جىلدارمەن سالىستىرعاندا 8 وسكەن.

اۆتور
ەلميرا ورالبايەۆا