پاريج پاراليمپياداسىندا 44 سپورتشى ەل نامىسىن قورعايدى

استانا. KAZINFORM - قازاقستاننىڭ پارا سپورتشىلارى پاراليمپياداعا سەگىزىنشى مارتە قاتىسپاق. 1996-جىلدان بەرى وتانداستارىمىز جازعى پاراليمپيادادا 7 مەدال (2 التىن، 4 كۇمىس جانە 1 قولا) جەڭىپ العان.

قازاقستان پاريج پاراليمپياداسىنا 33 ليتسەنزيا جەڭىپ الدى. سپورتتىڭ 9 تۇرىنەن (پارا ءجۇزۋ، پارا پاۋەرليفتينگ، پارا جەڭىل اتلەتيكا، پارا كانوە، پارا تاەكۆوندو، ۆولەيبولدى وتىرىپ ويناۋ، پارا نىسانا كوزدەۋ، پارا ۇستەل تەننيسى، پارا دزيۋدو) 44 سپورتشى باق سىنايدى.

10 پارا دزيۋدوشى پاراليمپيادا جۇلدەسى ءۇشىن تاتاميگە شىعادى.

بەرىك ىزماعانبەتوۆ (ۆولەيبولدى وتىرىپ ويناۋ) پەن سيەۆدا اليەۆا (پارا نىسانا كوزدەۋ) تۋ ۇستاپ شىعادى.

پاريجدەگى دوداعا بۇعان دەيىنگى پاراليمپيادا باسەكەلەرىنىڭ قوس چەمپيونى مەن ەكى جۇلدەگەرى قاتىسادى.

ولار: ءزۇلفيا عابيدۋللينا - ريو پاراليمپياداسىنىڭ چەمپيونى

داۆيد دەگتياريەۆ - توكيو پاراليمپياداسىنىڭ چەمپيونى

⁠نۇرداۋلەت جۇماعالي - توكيو پاراليمپياداسىنىڭ قولا جۇلدەگەرى

راۋشان قويشىبايەۆا - ريو پاراليمپياداسىنىڭ كۇمىس جۇلدەگەرى

ەڭ جاس سپورتشى - الفيا تىلەكقابىل (پارا دزيۋدو، 18 جاستا)

ەڭ ەگدە سپورتشى - ءزۇلفيا عابيدۋللينا (پارا ءجۇزۋ، 59 جاستا).

ۆولەيبولدى وتىرىپ ويناۋدان قازاقستان ۇلتتىق قۇراماسى الەمدىك رەيتينگتە 75 ەلدىڭ ىشىندە 6-ورىندا تۇر.

قازاقستان سپورتشىلارى بيىل العاش رەت پارا ۇستەل تەننيسىنەن پاراليمپيادا جولداماسىن جەڭىپ الدى. ەلىمىزدىڭ نامىسىن بۇل سىندا ءالي ماقۇلبەكوۆ قورعايدى.

ەڭ تاجىريبەلى سپورتشى - ءزۇلفيا عابيدۋللينا. بيىل ول ءتورتىنشى پاراليمپياداسىندا باق سىنايدى.