پاريج-2024: وليمپيادا اۋىلىندا ءومىر ءسۇرۋ ەرەجەلەرى
استانا. KAZINFORM - بۇگىن، 26-شىلدەدە فرانسيا استاناسى پاريجدە 2024 -جىلعى وليمپيادا ويىندارىنىڭ اشىلۋ سالتاناتى بولادى. قازىرگە دەيىن كەيبىر سپورتشىلار وليمپيادالىق اۋىلعا كەلىپ ۇلگەردى. وندا ولار ءۇشىن ۇستانۋعا ءتيىستى ەرەجەلەر بار.
وليمپيادالىق اۋىلدا كىم تۇرا الادى؟
تەحنيكالىق تۇرعىدان وليمپيادالىق اۋىلدا تەك ويىندارعا قاتىسا الاتىن سپورتشىلار تۇرا الادى. ءبىراق ولار قاجەت بولعان جاعدايدا جاتتىقتىرۋشىلار مەن سپورت كومانداسىنىڭ رەسمي وكىلدەرىن شاقىرا الادى.
سونداي-اق ولار ءوزى قاتىسقان سوڭعى جارىستان كەيىن 48 ساعات ىشىندە اۋىلدان كەتۋى كەرەك. ياعني ولار بۇل ورىندا جارىس اياقتالعاننان كەيىن 2 كۇننەن ارتىق تۇرا المايدى.
بەيتاراپتىق
سپورتشىلارعا وليمپيادالىق بارلىق نىساندا نارازىلىق بىلدىرۋگە نەمەسە ساياسي، ءدىني نەمەسە ناسىلدىك ناسيحات جۇرگىزۋگە تىيىم سالىنادى. بۇل ەرەجە 2020 -جىلعى جارىستىڭ الدىندا سول كەزدە بولعان Black Level Meter جانە ANTI- AGE Hate نارازىلىقتارى اياسىندا ەنگىزىلدى. بۇل رەتتە وليمپيادالىق نىسانداردان تىس جەردە بولىپ جاتقان كەز كەلگەن نارازىلىقتار جەرگىلىكتى زاڭدارعا سايكەس بولۋى ءتيىس.
الەۋمەتتىك جەلى اشىق، ءبىراق...
حالىقارالىق وليمپيادا كوميتەتى ويىنداردان العان اسەرىن وزدەرىنىڭ جەكە اككاۋنتتارى ارقىلى الەۋمەتتىك جەلىلەردە بولىسۋگە شاقىرادى. دەگەنمەن ولار بەلگىلى ءبىر ەرەجەلەردى ساقتاۋى كەرەك.
سپورتشىلار وليمپيادالىق اۋىلدا سۋرەتكە تۇسە الادى، اۋديو جانە بەينە ونىمدەر جاريالاي الادى. الايدا وعان مەديتسينالىق بەكەتتەر جانە دوپينگ-باقىلاۋ ستانتسياسى سەكىلدى تىيىم سالىنعان بەلگىلەنگەن ورىنداردا تىيىم سالىنعان. سونداي-اق ولار باسقا ازاماتتاردىڭ جەكە ءومىرىن قۇرمەتتەۋگە مىندەتتى جانە كەز-كەلگەن ءونىمدى ولاردىڭ الدىن-الا كەلىسىمىنسىز تۇسىرە المايدى.
سونداي-اق، ولاردىڭ تاراپىنان جاريالانعان دۇنيەلەر وليمپيادالىق قۇندىلىقتارعا سايكەس كەلۋى كەرەك. ياعني كەمسىتۋشىلىك نەمەسە ادەپسىزدىككە جول بەرىلمەيدى.
شامپانعا تىيىم سالىنعان
ەرەجەگە سايكەس سپورتشىلاردىڭ وليمپيادالىق اۋىل اۋماعىندا كەشتەر وتكىزۋگە، تەمەكى شەگۋىنە نەمەسە الكوگول ىشۋىنە تىيىم سالىنادى.
ءبىراق بۇل تالاپتار سپورتشىلارعا تويلاۋعا مۇلدەم تىيىم سالىنعان دەگەندى بىلدىرمەيدى. وليمپيادالىق اۋىلعا باسشىلىق جاسايتىن لوران ميشو Sky News-كە بەرگەن سۇحباتىندا اتالعان اۋماقتا سپورتشىلارعا جارىستار اراسىندا دەمالۋعا ارنالعان سپورتتىق بار بولاتىنىن ايتتى. وندا سپورتشىلار بوس ۋاقىتىندا الكوگولسىز دەمالىسىن وتكىزە الادى.
- بۇل ولاردىڭ تاجىريبەسىمەن بولىسەتىن تاماشا ورىن بولادى، - دەدى ول. - ارينە، اۋىلدا شامپان بولمايدى. ءبىراق پاريجدە ولار ونى قالاعانىنشا پايدالانا الادى.
ءدۇبىرلى دودا 26-شىلدە مەن 11-تامىز ارالىعىندا وتەدى. ويىنعا الەمنىڭ 205 ەلىنەن سپورتشىلار قاتىسادى دەپ كۇتىلۋدە.
اۆتور
ءادىلجان ۇمبەت