پاريج-2024: وليمپيادا الاۋىنىڭ ديزاينى قانداي تاقىرىپتاردى قامتىعان

استانا. KAZINFORM - پاريج قالاسىندا وتەتىن جازعى وليمپيادا ويىندارىنىڭ الاۋى تۇتانۋعا بۇگىن تۋرا 11 كۇن قالدى. وسىعان وراي الاۋدىڭ ديزاينى قانداي تاقىرىپتاردى قامتىپ جاتقانى تۋرالى دەرەكتەردى نازارلارىڭىزعا ۇسىنعاندى ءجون كوردىك.

كەز كەلگەن وليمپيادا الدىندا سول ەلدىڭ ىشىندەگى قالالاردا الاۋ ەستافەتاسىنىڭ وتەتىندىگى بەلگىلى. پاريج وليمپياداسىنداعى الاۋدىڭ ديزاينىندا سۋ، تەڭدىك جانە الەم تاقىرىپتارى قامتىلعان.

ەستافەتا بارىسىندا الاۋ اتلانت، ءۇندى، تىنىق مۇحيتتارى ارقىلى بىرنەشە ارالدى قامتيدى. ال پاريج وليمپياداسىنىڭ اشىلۋى سەنا وزەنىندە وتەدى.

پاريج وليمپياداسىندا العاش رەت گەندەرلىك تەڭدىك (ەرلەر مەن ايەلدەردىڭ ۇلەسى - P/50) ساقتالادى.

وليمپيادا جانە پاراليمپيادا ويىندارى سوعىستى توقتاتىپ، بەيبىتشىلىككە ۇگىتتەيدى.

ەستەرىڭىزگە سالا كەتسەك، پاريج وليمپياداسىنىڭ الاۋى وسى جىلدىڭ 16-ساۋىرىندە گرەكيانىڭ وليمپيا قالاسىندا جاعىلعان بولاتىن.

العاشقى ەستافەتالىق الاۋدى ەسكەك ەسۋدەن توكيو وليمپياداسىنىڭ چەمپيونى ستەفانوس دۋسكوس الدى. ايتا كەتەيىك، الاۋدى بارلىعى 600 دەن استام ادام الىپ جۇرەدى.

گرەكيادان باستاۋ العان ەستافەتا 8-مامىردا فرانسيانىڭ مارسەل قالاسىنا جەتكىزىلگەن بولاتىن. ەستافەتا بارىسىندا لاسكو ۇڭگىرى، الەزياداعى ارحەولوگيالىق قازبالار، ورتاعاسىرلىق كاركاسوننا قالاسى، ۆەرسال سارايى جانە باسقا دا تاريحي-مادەني ءارى كورىكتى جەرلەر قامتىلعان.

اۆتور كۇنسۇلتان وتارباي