پاريج-2024: تەننيستەن وليمپيادا جەرەبەسى تارتىلدى

پاريج. KAZINFORM - بۇگىن رولان گارروس ستاديونىندا تەننيستەن پاريج وليمپياداسىنىڭ جەرەبەسى تارتىلىپ، تەننيسشىلەرىمىزدىڭ ءبىرىنشى اينالىمداعى قارسىلاستارى انىقتالدى.

جەكەلەي سىندا ەلىمىزدىڭ ءبىرىنشى راكەتكاسى ەلەنا رىباكينا العاشقى اينالىمدا رۋمىنيا تەننيسشىسى كريستيان جاكلينمەن وينايدى.

يۋليا پۋتينسيەۆا ۋكراينالىق مارتا كوستيۋكپەن شەبەرلىك بايقاسادى.

ەرلەر اراسىندا قازاقستاننىڭ ءبىرىنشى، الەمنىڭ 25-راكەتكاسى الەكساندر بۋبليك جارىستى ا ق ش تەننيسشىسى تەيلور فريتسكە قارسى ماتچپەن باستاسا، تاعى ءبىر وتانداسىمىز الەكساندر شيەۆچەنكو چەحيا سپورتشىسى ياكۋب مەنشيككە قارسى وينايدى.

جۇپتىق سىننىڭ جەرەبەسى:

بۋبليك/نەدوۆەسوۆ (قازاقستان) - پوپىرين/دە ميناۋر (اۋستراليا)

جەرەبە راسىمىنە قوناق رەتىندە ءتۇرلى وليمپيادا جۇلدەگەرلەرى، اتاپ ايتقاندا ەندي ماررەي (ريو-2016، التىن)، رافاەل نادال (پەكين-2008، التىن)، ستانيسلاۆ ۆاۆكرينكا (پەكين-2008، جۇپتىق سىندا التىن)، ەلينا سۆيتولينا (توكيو-2020، قولا) جانە اندجەليك كەربەر (ريو-2016، كۇمىس) قاتىستى.

ايتا كەتەيىك، تەننيس ويىندارى 27-شىلدە مەن 4-تامىز ارالىعىندا توپىراق توسەنىشىندە ايگىلى رولان گارروس ستاديونىندا وتەدى.

وسىعان دەيىن ۇستەل تەننيسىنەن ۇلتتىق كوماندانىڭ كوشباسشىسى كيريلل گەراسيمەنكو پاريج وليمپياداسىنداعى ءبىرىنشى ويىندا چيليلىك اتلەت نيكولاس بۋرگوسپەن شەبەرلىك بايقاساتىنى تۋرالى جازعان بولاتىنبىز.

سپورتتىڭ بۇل تۇرىنەن جارىس 27-شىلدەدە باستالادى.

اۆتور
كۇنسۇلتان وتارباي