پاريج-2024: سپورتشىلارىمىز جازعى پاراليمپيدا ويىندارىنا قانشا جولداما الدى
استانا. KAZINFORM - بۇگىن پاريج-2024 وليمپيادا جانە پاراليمپياداعا دايىندىق شتابى دەنە مۇمكىندىكتەرى شەكتەۋلى تۇلعالارعا ارنالعان سپورتتىق دايارلاۋ ورتالىعى مەن ۇلتتىق پاراليمپيادا كوميتەتىنىڭ وكىلدەرىمەن جيىن وتكىزدى.
ق ر تۋريزم جانە سپورت مينيسترلىگى ءمالىم ەتكەندەي، كەزدەسۋدە ۇلتتىق قۇراما سپورتشىلارىنىڭ قازىرگى جاعدايى، دەلەگاتسيانىڭ جوسپارلى قۇرامىن قاراۋ، قارجىلاندىرۋ مەن باسقا اقپاراتتىق ۇيىمداستىرۋشىلىق دايىندىق ماسەلەلەرى تالقىلاندى.
«قازىرگى تاڭدا پاراليمپيادا ويىندارىنا دەيىن پىسىقتايتىن ماسەلەلەر كوپ. دەگەنمەن اتقارىلىپ جاتقان دايىندىق جۇمىستارى دا از ەمەس. پاراسپورتشىلارىمىزعا لايىقتى كوڭىل ءبولىنىپ، جان-جاقتى جاعدايلار جاسالىپ جاتىر. شتاب پاراسپورتشىلارعا بارىنشا قولداۋ كورسەتىپ، ۇيىمداستىرۋشىلىق جۇمىستارىن جالعاستىرۋدا»، - دەدى شتاب باسشىسى ەلسيار قاناعاتوۆ.
ايتا كەتسەك، ХVII جازعى پاراليمپيادا ويىندارى بيىل 28-تامىز بەن 8-قىركۇيەك ارالىعىندا فرانسيا استاناسى پاريجدە وتەدى. جارىسقا الەمنىڭ 184 ەلىنەن 4 مىڭنان استام سپورتشى قاتىسىپ، 22 سپورت تۇرىنەن 549 مەدال جيىنتىعى ساراپقا سالىنادى.
قازاقستان ۇلتتىق قۇراماسى سپورتتىڭ 9 تۇرىنەن (پارا جەڭىل اتلەتيكا، پارا پاۋەرليفتينگ، پارا تاەكۆوندو، پارا ۇستەل تەننيسى، پارا ءجۇزۋ، پارا دزيۋدو، پارا كانوە، وتىرىپ وينايتىن ۆولەيبول، پارا نىسانا كوزدەۋ) ونەر كورسەتۋدى جوسپارلاپ وتىر.
وسى ۋاقىتقا دەيىن پاراليمپياداشىلار 11 ليتسەنزيا جەڭىپ الدى: وتىرىپ وينايتىن ۆولەيبولدان ەرلەر قۇراماسى – 1، پارا جەڭىل اتلەتيكا بويىنشا يادرو لاقتىرۋ – 1، پارا ءجۇزۋ – 3، پارا كانوە – 1، پارا پاۋەرليفتينگ – 1، پارا تاەكۆوندو – 3، پارا نىسانا كوزدەۋ - 1.
اۆتوركۇنسۇلتان وتارباي