پاريج-2024: قازاقستاندا وليمپيادا ويىندارىن قانشا كوممەنتاتور جۇرگىزەدى
استانا. KAZINFORM - فرانسيا استاناسى پاريج قالاسىندا وتەتىن XXXIII جازعى وليمپيادا ويىندارىن قازاقستاندا 26 كوممەنتاتور جۇرگىزەدى.
بۇل تۋرالى ق ر سپورتتى دامىتۋ ديرەكتسياسىنىڭ باسپا ءسوز قىزمەتى ءمالىم ەتتى.
«وليمپيادانى بەس تەلەارنادان 26 كوممەنتاتور جۇرگىزەدى. ولاردىڭ اراسىندا ەسەي جەڭىس ۇلى، سەرگەي رايليان، ليليانا ءالجانوۆا، عالىم سۇلەيمەنوۆ، ارمان ابدراحمانوۆ، جاندوس ايتباي ۇلى، اسحات جاقايەۆ، ايدار ماحمەتوۆ، ەربول قايىروۆ سياقتى تاجىريبەلى ماماندار بار»، - دەلىنگەن حابارلامادا.
ەستەرىڭىزگە سالا كەتەيىك، وسىعان دەيىن وليمپيادانى تۇڭعىش رەت ەلىمىزدىڭ بەس بىردەي تەلەارناسى كورسەتەتىنى تۋرالى، سونىمەن قاتار پاريجدەن ارنايى 21 جۋرناليست تىكەلەي حابار تاراتانى تۋرالى جازعان بولاتىنبىز.
ايتا كەتەيىك، قازاقستان قۇراماسى وليمپيادا ويىندارىنا سپورتتىڭ 25 تۇرىنەن 92 جولداما جەڭىپ الدى.
فرانتسيا استاناسى پاريج قالاسىندا وتەتىن XXXIII جازعى وليمپيادا ويىندارى 26 شىلدە مەن 11-تامىز ارالىعىنا بەلگىلەنگەن. ويىنعا الەمنىڭ 205 ەلىنەن 10500 سپورتشى قاتىسادى. وندا 32 سپورت تۇرىنەن 329 مەدال جيىنتىعى ساراپقا سالىنادى.