پاريج-2024: ماحمۇد سابىرحان يسپانيالىق قارسىلاسىنان ۇتىلىپ قالدى
پاريج. KAZINFORM - فرانسيا استاناسى پاريج قالاسىندا ءوتىپ جاتقان وليمپيادا ويىندارىندا قازاقستاندىق بوكسشى ماحمۇد سابىرحان العاشقى جەكپە-جەگىندە جەڭىلىس تاپتى.
57 كەلى سالماقتا ەل نامىسىن قورعاعان وتانداسىمىز يسپانيالىق حوسە كۋلەس بروتوستان ايلاسىن اسىرا المادى.
ايتا كەتەيىك، وسىعان دەيىن قامشىبەك قوڭقابايەۆ پەن اسىلانبەك شىمبەرگەنوۆ العاشقى جەكپە-جەكتەرىندە قارسىلاستارىنان جەڭىلىپ قالعان بولاتىن.
سونداي-اق، وسىعان دەيىن ەرلەر اراسىندا نۇربەك ورالباي، 51 كەلىدە ساكەن بيبوسىنوۆ، 63,5 كەلىگە دەيىنگى سالماقتا مۇحاممەدسابىر بازارباي ۇلى شيرەك فينالعا شىققان بولاتىن. سونىمەن بەرگە ايەلەر اراسىندا نازىم قىزايباي العاشقى جەكپە- جەگىن ءساتتى باستاعان ەدى.
ايتا كەتەيىك، بۇگىن پاريج وليمپياداسىندا قازاقستاندىق سپورتشىلار سپورتتىڭ بەس تۇرىنەن - ترياتلون، ستەند اتۋ، بوكس، سپورتتىق گيمناستيكا جانە وق اتۋدان جارىس جولىنا شىعۋى ءتيىس.
اۆتور
كۇنسۇلتان وتارباي