پاريج-2024: ەل قورجىنىنا 51-جولداما ءتۇستى
21:55, 14 - مامىر 2024
استانا. KAZINFORM - قازاقستان قۇراماسى ۆەلوترەكتەن پاريج وليمپياداسىنىڭ 1 جولداماسىنا يە بولدى. بۇل ليسەنزيا جەكە سپورتشىنىڭ وزىنە ەمەس، ۇلتتىق فەدەراتسياعا بەرىلەدى.
بۇل ەل قورجىنىنا تۇسكەن 51-جولداما.
ق ر سپورتتى دامىتۋ ديرەكسياسى ءمالىم ەتكەندەي، قازاقستان اتىنان باراتىن سپورتشى كەيرين جانە سپرينت ديستسيپليناسىندا باق سىناي الادى.
ەستەرىڭىزگە سالا كەتەيىك، وسىعان دەيىن 50-جولامانى كوركەم گيمناستيكادان قازاقستان قۇراماسىنىڭ ۇزدىگى ەلجانا تانيەۆا تاشكەنتتە وتكەن ازيا چەمپيوناتىندا جەڭىپ العان بولاتىن.
ەسكە سالا كەتسەك، بيىلعى XXXIII جازعى وليمپيادا ويىندارى 26-شىلدە-11-تامىزى ارالىعىندا وتەدى.
وعان دۇنيەجۇزىنىڭ 205 ەلىنەن 10500 سپورتشى قاتىسادى دەپ جوسپارلانىپ وتىر. سپورتتىڭ 32 تۇرىنەن 329 مەدال جيىنتىعى ساراپقا سالىنادى.