پاريج-2024: دەمەۋ جادىرايەۆتىڭ فينالداعى قارسىلاسى تۋرالى نە بىلەمىز

پاريج. KAZINFORM - فرانسيا استاناسى پاريج قالاسىندا ءوتىپ جاتقان وليمپيادا ويىندارىندا بۇگىن گرەك-ريم كۇرەسىنەن فينالدا بەلدەسەتىن قازاقستاندىق دەمەۋ جادىرايەۆ جاپونيالىق ناو كۋساكامەن التىن جۇلدەنى ساراپقا سالادى.

دەمەۋ جادىرايەۆقا فينال وڭايعا سوقپاسى انىق. جاپونيالىق سپورتشى ناو كۋساكا 2023 -جىلى الەم چەمپيوناتىندا قولا مەدال العان. سونداي-اق ول 2024 -جىلعى ازيا ويىندارىنىڭ چەمپيونى اتانعان. ناو قازىر الەمدىك رەيتينگىدە 77 كەلى سالماقتىڭ كوشىن باستاپ تۇر.

دەسە دە، دەمەۋ جادىرايەۆ ەل ءۇمىتىن اقتاۋعا بار كۇشىن سالادى دەگەن ۇمىتتەمىز. ول بيىل - 34 جاستا. بۇل ونىڭ سوڭعى وليمپياداسى بولۋى ابدەن مۇمكىن. قازاقستاندىق سپورتشى 2017 -جىلعى الەم چەمپيوناتىنىڭ كۇمىس جۇلدەسىن جەڭىپ العان. سونىمەن قاتار دەمەۋ ازيا چەمپيوناتىندا بىرنەشە مارتە جۇلدەگەر اتانعان.

كەشە وتانداسىمىز جارتىلاي فينالدا ازەربايجان سپورتشىسى سانان سۋلەيمانوۆپەن كەزدەسىپ، قارسىلاسىن 6:1 ەسەبىمەن ايقىن جەڭدى. وسىلايشا دەمەۋ جادىرايەۆ پاريج وليمپياداسىنىڭ فينالىنا شىقتى.

ايتا كەتەيىك، گرەك-ريم كۇرەسى بويىنشا دەمەۋ جادرايەۆپەن ناو كۋساكانىڭ فينالدىق بەلدەسۋى بۇگىن 21:45-دە وتەدى.  

اۆتور
كۇنسۇلتان وتارباي