پاريج-2024: ءامىر زاكيروۆ شيرەك فينالعا شىقتى
پاريج. KAZINFORM - فرانسيا استاناسى پاريج قالاسىندا ءوتىپ جاتقان وليمپيادا ويىندارىندا بۇگىن برەيكينگتەن ەرلەر ەل نامىسىن قورعاپ جاتقان ءامىر زاكيروۆ Quake (قىتايدىڭ تايپەيى) لاقاپ اتتى سپورتشىنى سەنىمدى ۇتتى.
راۋندتار بويىنشا ەسەپ: 2-0 (6-3، 7-2).
وسىلايشا، وتانداسىمىز D توبىندا 3 باتلعا شىعىپ، 2 جەڭىستىڭ ارقاسىندا شيرەك فينالعا جولداما الدى.
پلەي-وف كەزەڭى ءبىرازدان كەيىن باستالادى.
ەستەرىڭىزگە سالا كەتەيىك، وسىعان دەيىن وتانداسىمىز ءامىر زاكيروۆ العاشقى باتلىندا Menno-دان (نيدەرلاند) جەڭىلىپ قالعانىن جازعان ەدىك.
فرانسيا استاناسى پاريج قالاسىندا ءوتىپ جاتقان وليمپيادا ويىندارىندا بۇگىن برەيكينگتەن ەرلەر اراسىندا توپتىق كەزەڭ باستالدى.
ەستەرىڭىزگە سالا كەتسەك، بۇگىن ەركىن كۇرەستەن مەدالدان ءۇمىتتى بالۋانىمىز الىشەر ەرعالي (97 كەلى) شيرەك فينالدىق بەلدەسۋدە الەم چەمپيونى، حاڭجوۋداعى ازيا ويىندارىنىڭ جەڭىمپازى باحرەين بالۋانى احمەد تاجۋدينوۆتان 14:2 ەسەبىمەن ۇتىلىپ قالدى.
اۆتور
كۇنسۇلتان وتارباي