ارارات ميرزويان ەريەۆاندا سلوۆەنيانىڭ سىرتقى جانە ەۋروپالىق ىستەر ءمينيسترى تونە كايزەرمەن كەزدەسۋ وتكىزىپ، كەيىن ولار بىرلەسكەن باسپا ءسوز ءماسليحاتى بارىسىندا ب ا ق وكىلدەرىنىڭ ساۋالىنا جاۋاپ بەردى. وندا مينيستر ۇ ق ش ۇ اياسىنداعى ماسەلەلەرگە قاتىستى دا پىكىر ءبىلدىردى.
— ءبىز بۇل ۇيىمنىڭ جۇمىسىنا قاتىسۋدى الدەقاشان دوعارىپ، مۇشە ەل مارتەبەسىندەگى قىزمەتىمىزدى توقتاتىپ قويدىق. ەگەر ونىڭ باسقا مۇشەلەرى نەمەسە حاتشىلىعى قانداي دا ءبىر پىكىر ءبىلدىرىپ جاتسا، مۇنىڭ ءبارى بەكەر. ءبىز ءوز ۇستانىمىمىزدى وزگەرتپەيمىز جانە ۇ ق ش ۇ- عا قايتا ورالۋدى كوزدەپ وتىرعان جوقپىز، — دەپ جاۋاپ بەردى ارارات ميرزويان ب ا ق وكىلدەرىنىڭ ساۋالىنا.
ەسكە سالايىق، تاياۋدا ارمەنيانىڭ پرەمەر-ءمينيسترى نيكول پاشينيان ەۋرازيالىق ەكونوميكالىق وداق مەملەكەتتەرىنىڭ ۇيىمعا مۇشە باسقا ەلدى ونىڭ قۇرامىنان شىعارۋعا قۇقىعى جوق ەكەنىن مالىمدەپ ەدى.
بۇعان دەيىن حابارلاعانىمىزداي، ارمەنيا ۇكىمەتى جاڭا كونستيتۋتسيانى قابىلداۋ ءۇشىن كەزەكتەن تىس پارلامەنت سايلاۋىن وتكىزۋى مۇمكىن.