بۇل قۇجات 20 -تامىزدا وتەتىن ارمەنيا ۇكىمەتى وتىرىسىنىڭ كۇن تارتىبىنە «ارمەنيا رەسپۋبليكاسى ۇكىمەتىنىڭ باعدارلاماسى تۋرالى» دەگەن اتاۋمەن ەنگىزىلگەن. ەلەكتروندىق ۇكىمەتتىڭ رەسمي پورتالىندا باعدارلامانىڭ جوباسى، نەگىزدەمەلەرى جانە قوسىمشالارى جاريالانعان.
باعدارلاما جوباسىنا ساي، بەيبىت قارىم-قاتىناستى ينستيتۋتسيونالدىق تۇرعىدان بەكىتۋ جانە نىعايتۋ ماقساتىندا ەل ۇكىمەتى ارمەنيا مەن ازەربايجان اراسىنداعى بەيبىتشىلىك پەن مەملەكەتارالىق قاتىناستاردى ورناتۋ تۋرالى كەلىسىمگە قول قويۋ جانە ونى راتيفيكاتسيالاۋ جۇمىسىن، مەملەكەتتىك شەكارانى دەليميتاتسيالاۋ جانە دەماركاتسيالاۋ پروتسەسىن جالعاستىرادى، سونداي-اق ەكى ەلدىڭ ازاماتتىق قوعامدارى مەن ىسكەر توپتارى اراسىنداعى بايلانىستاردى جانە ەكىجاقتى ساۋدا- ساتتىقتى جانداندىرادى.
بۇل رەتتە قۇجاتتا ەكىجاقتى ساۋدانىڭ ناقتى باستالۋ ۋاقىتى نەمەسە كولەمى تۋرالى، بولماسا ساۋدا- ساتتىققا شىعارىلاتىن تاۋارلاردىڭ تۇرلەرى تۋرالى اقپارات كورسەتىلمەگەن.
بۇعان دەيىن ارمەنيانىڭ ازەربايجانعا تاۋار ەكسپورتتاۋعا دايىندالىپ جاتقانى تۋرالى حابارلانعان بولاتىن.