الماتىدا ايەلدى ەكى بالاسىمەن بىرگە ولتىرگەن كۇدىكتى ۇستالدى

پوليتسيا قىزمەتكەرلەرى اناسىن جانە ونىڭ كامەلەتكە تولماعان بالالارىن ولتىرگەن كۇدىكتىنى قولعا ءتۇسىردى.

جەدەل- ىزدەستىرۋ ءىس- شاراسى بارىسىندا 41جاستاعى الماتى قالاسىنىڭ تۇرعىنى انىقتالىپ، ۇستالدى، دەپ حابارلايدى قازاقپارات ءتىلشىسى.

«اتالعان دەرەك ىلە اۋداندىق پوليتسيا بولىمىندە قر قك 99-بابى 2-بولىگىنىڭ 1-تارماعى (ەكى نەمەسە ودان دا كوپ ادامدى ءولتىرۋ) جانە 99-بابى 3-بولىگى (جاس بالانى ءولتىرۋ) بويىنشا تىركەلدى. قازىرگى ۋاقىتتا بارلىق قاجەتتى ساراپتامالار تاعايىندالىپ، تەرگەۋ ءىس- شارالارى جۇرگىزىلۋدە»، - دەدى الماتى وبلىسى پد باستىعى، پوليتسيا پولكوۆنيگى باۋىرجان الەنوۆ.

ۇستالعان كۇدىكتى ۋاقىتشا ۇستاۋ يزولياتورىنا قامالدى.

«كۇدىكتى قىلمىستىڭ ءىزىن جاسىرۋ ماقساتىندا ءۇيدى ورتەپ جىبەرگەن»، - دەپ اتاپ ءوتتى ب. الەنوۆ.

ەسكە سالايىق، 14-قىركۇيەك كۇنى الماتى وبلىسى ىلە اۋدانىنىڭ اشىبۇلاق اۋىلىنداعى ۇيلەردىڭ بىرىنەن زورلىق- زومبىلىق بەلگىلەرى بار ك. ەسىمدى ازاماتشا مەن ونىڭ ەكى بالاسىنىڭ ءمايىتى تابىلعانى تۋرالى حابارلاعان بولاتىنبىز.