ادىلدىككە كەلگەندە شيمپانزەلەر اداممەن تەڭ ەكەن

استانا. قازاقپارات - وسى كەزگە دەيىن ادىلەتتىلىك دەگەن قاسيەتتىڭ ادامعا عانا ءتان ەكەنى ايتىلاتىن. جۋىردا امەريكالىق عالىمدار مۇنداي سەزىمنىڭ شيمپانزەلەردە دە بولاتىنىن انىقتادى.

Utro.ru پورتالىنىڭ حابارلاۋىنشا، زەرتتەۋشىلەر توبى مايمىلدار مەن 2-7 جاستاعى بۇلدىرشىندەردى قاتىستىرىپ، «ۋلتيماتۋم» اتالاتىن ويىندى ويناتقان. ونىڭ شارتى بويىنشا، سىيلىققا قول جەتكىزگەن ويىنشى ونى سەرىگىمەن تەڭ ءبولىسۋى كەرەك. سىيلىق تەڭ بولىنبەگەن جاعدايدا ونى بالالار تورەشىگە جەتكىزىپ وتىرۋى ءتيىس بولدى. ءبىر قىزىعى، ويىن بارىسىندا ادىلەتسىزدىكتى بالالار عانا ەمەس، مايمىلدار دا بايقاپ، نارازىلىق تانىتىپ وتىرعان.

«سىناق شيمپانزەلەردىڭ دە ادام ءتارىزدى قولىنداعىسىن دوستارىمەن بولىسە الاتىنى، ءبىر-بىرىنە قولداۋ كورسەتەتىنى، ەڭ باستىسى، ادىلەتتىلىكتى سەزىنەتىنى اڭعارىلدى. دەمەك، ادامدا بولاتىن ادىلەتتىلىك سەزىمى مايمىلدارعا دا ءتان»، - دەيدى دجوردجيا شتاتى ۋنيۆەرسيتەتىنىڭ دوكتورى داربي پروكتور.