ءومىر مەن ءولىم جايلى «جوقتاۋ» دراماسىنىڭ ترەيلەرى شىقتى
جاڭا كارتينا ۇزاق ۋاقىت شەتەلدە ءومىر سۇرگەن جانە ءوزىن ناعىز شەتەلدىك سەزىنەتىن جاس قازاق عالىمىنىڭ ءومىر جولىن باياندايدى.
كۇندەردىڭ كۇنى تاعدىرىن ايقىندايتىن شەشىم قابىلدار الدىندا ول تۋعان جەرىنە ورالادى...
«بۇل - ءار كورەرمەنگە اسەر ەتە الاتىن دراماعا تولى وقيعا. ويتكەنى فيلم كوتەرەتىن ءبىز كىمبىز، قايدان كەلدىك جانە قايدا بارامىز دەگەن سۇراقتار ءار ادامنىڭ جۇرەگىندە ءجۇر»، - دەيدى كارتينانىڭ پروديۋسەرى ارۋجان دوسىمقوجا.
باستى رولدەردە ەرمەك شىنبولاتوۆ، يسبەك ءابىلماجينوۆ جانە يرينا باركوۆا وينايدى.
كامەرانىڭ تىزگىنىن قازاق كينوسىنداعى ازعانا وپەراتور قىزداردىڭ ءبىرى - ايگۇل نۇربولاتوۆا ۇستادى.
قويۋشى- سۋرەتشى - ايانا نۇردينوۆا. فيلمنىڭ پروديۋسەرلەرى - ارۋجان دوسىمقوجا جانە الەكساندرا سىتنيك.
فيلمنىڭ كومپوزيتورى - سانجار بايتەرەكوۆ.
فيلمنىڭ ءتۇسىرىلىمى وتكەن جىلدىڭ كۇزىندە ءوتتى. كينوكارتينا اۆتورلارى تۋىندىنى حالىقارالىق فەستيۆالدەرگە جىبەرۋدى جوسپارلاپ وتىر.
«جوقتاۋ» تولىقمەتراجدى كوركەم فيلمى ۇلتتىق كينونى قولداۋ مەملەكەتتىك ورتالىعى كومەگىمەن تۇسىرىلگەن.