ەلوردانىڭ سىرتقى كەلبەتى قالاي رەتكە كەلتىرىلەدى
سايكەس كەلمەيتىن جانە جالپى كورىنىستى بۇزاتىن بەلگىلەر مەن جارنامالىق باننەرلەردى جويۋ بويىنشا شارالار قابىلدانۋدا، دەپ حابارلايدى قازاقپارات ەلوردا اكىمدىگىنىڭ رەسمي سايتىنا سىلتەمە جاساپ.
تەك جىل باسىنان بەرى قالانىڭ بەس اۋدانىندا عيماراتتار مەن ۇيلەردىڭ قاسبەتتەرىنەن ديزاين كودىنا ساي كەلمەيتىن ءۇش مىڭنان استام جارنامالىق بيلبوردتار، ماڭدايشالار مەن دوڭگەلەكتەردەگى جارنامالار جويىلدى.
استانالىقتار مۇنداي وزگەرىستەر قالانى زاماناۋي جانە جايلى ەتەدى دەپ سانايدى.
«مەن ءبىزدىڭ قالانىڭ ادەمى قالپى ءۇشىن قۋانامىن، ويتكەنى ماڭدايشالاردىڭ الىنىپ تاستالۋى، ءبىر قالىپتاعى ۇلگى، ۇيلەردى عانا ەمەس بۇكىل قالانى كورىكتەندىرەدى»، - دەپ ەسەپتەيدى استانالىق ايمان تۇرداحينوۆا.
«جاقسى جۇمىستار جۇرگىزىلۋدە، سىرتقى ءتۇرى رەتكە كەلتىرىلۋدە. بۇل وتە دۇرىس دەپ سانايمىن»، - دەدى ەلوردا تۇرعىنى نۇرمان راحيموۆ.
بەس اۋدان اكىمدىگىنىڭ قىزمەتكەرلەرى زاڭسىز جانە سايكەس كەلمەيتىن جارنامانىڭ ديزاين-كودىن ءتۇسىندىرۋ جانە بولشەكتەۋ بويىنشا تۇراقتى كوشپەلى ءىس-شارالار وتكىزەدى. كاسىپكەرلەرمەن ءتيىستى اڭگىمەلەر جۇرگىزىلەدى، ديزاين-كودقا سايكەس كەلمەيتىن ماڭدايشالاردى اۋىستىرۋ قاجەتتىلىگى تۋرالى بۋكلەتتەر بەرىلەدى.
ەستەرىڭىزگە سالا كەتەيىك، 2023 -جىلدىڭ قاڭتار ايىندا استانانى دامىتۋ ماسەلەلەرى جونىندەگى كەڭەستە پرەزيدەنت قاسىم-جومارت توقايەۆ كوشە جارناماسىن ورنالاستىرۋعا قويىلاتىن تالاپتاردىڭ ساقتالۋىن باقىلاۋدى كۇشەيتۋدى تاپسىرعان بولاتىن.