اتىراۋدا بالىق اۋلاۋعا شىعىپ، حابار- وشارسىز كەتكەن جىگىتتىڭ دەنەسى تابىلدى
1987 -جىلى تۋعان ەربول قۇسايىنوۆتىڭ ءولى دەنەسى بۇگىن تاڭعى 9:30 شاماسىندا جايىق وزەنىنەن، بالىق اۋلادى دەگەن جەردەن 50 مەتر قاشىقتىقتان تابىلدى.
الدىن الا بولجام بويىنشا، جوعالعان ەر ادام سۋعا باتىپ كەتكەن. مۇردەگە سوت- مەديتسينالىق ساراپتاما تاعايىندالدى، تەرگەۋ امالدارى جۇرگىزىلىپ جاتىر.
ەسكە سالا كەتەيىك، ءبىز كەشە 36 جاستاعى جىگىتتىڭ ءىز- ءتۇزسىز كەتكەنىن حابارلاعان ەدىك.
«جوعالعان جىگىتتىڭ اتى- ءجونى - ەربول قۇسايىنوۆ. تۋىستارىنىڭ ايتۋىنشا، ول 10- قىركۇيەك كۇنى دوستارىمەن بىرگە بالىق اۋلاۋعا كەتىپ، ۇيىنە قايتىپ ورالماعان. ونى ىزدەستىرۋ جۇمىسى بۇگىن ءۇشىنشى كۇن قاتارىنان جالعاسىپ جاتىر. ىزدەۋ جۇمىسىنا اتىراۋ وبلىسى پوليتسيا جانە توتەنشە جاعدايلار دەپارتامەنتتەرىنىڭ قىزمەتكەرلەرى، ۇلتتىق ۇلاننىڭ 80 ساربازى تارتىلدى»، - دەپ حابارلادى دەپارتامەنتتىڭ باسپا ءسوز قىزمەتى.