قارجى ءمينيسترى ەرۇلان جاماۋبايەۆتى سوتقا بەرگەنى تۋرالى اقپارات راس پا

استانا. قازاقپارات - الەۋمەتتىك جەلىلەردە ق ر قارجى ءمينيسترى ەرۇلان جاماۋبايەۆتى پوليتسيا قاماۋعا الىپ جاتقان سۋرەت تارادى. سۋرەتتىڭ استىندا «قازاقستان بانكى» ءمينيستردى سوتقا بەرگەنى تۋرالى ماقالاعا سىلتەمە بەرىلگەن. مۇنىڭ ءبارى وتىرىك.

بۇل تۋرالى قازاقپارات stopfake.kz سايتىنا سىلتەمە جاساپ حابارلايدى.

ق ر قارجى مينيسترلىگىنىڭ باسپا ءسوز قىزمەتى ءمينيستردى سوتقا بەرگەنى تۋرالى اقپارات پەن ونى قاماۋعا الۋدىڭ سۋرەتتەرى فەيك دەپ مالىمدەدى.

- جەلىدە قوعامدىق ءتارتىپتى بۇزۋشىلارعا جاعداي جاساۋعا، ازاماتتاردىڭ قۇقىقتارى مەن زاڭدى مۇددەلەرىنە جانە قوعام مەن مەملەكەتتىڭ زاڭمەن قورعالاتىن مۇددەلەرىنە زيان كەلتىرۋگە باعىتتالعان شىندىققا جاناسپايتىن، كورىنەۋ جالعان اقپارات تارادى. مۇنداي زاڭسىز ارەكەتتەر ءۇشىن قىلمىستىق جاۋاپكەرشىلىك قاراستىرىلعان، - دەپ حابارلادى ۆەدومستۆودان.

ەستەرىڭىزگە سالا كەتەيىك، ەرۇلان جاماۋبايەۆتى سوتقا بەرۋ تۋرالى اقپارات بۇعان دەيىن دە تاراعان بولاتىن. ولاردىڭ فەيك ەكەنى انىقتالدى، بۇل ءىس جۇزىندە كريپتوۆاليۋتا ساتاتىن بوتتىڭ جارناماسى بولىپ شىقتى.