ەلدىڭ باسىم بولىگىندە جاڭبىر مەن نايزاعاي كۇتىلەدى
10:23, 13 - قىركۇيەك 2023
استانا. قازاقپارات - اتموسفەرالىق فرونتالدى بولىكتەردىڭ وتۋىمەن ەلىمىزدىڭ باسىم بولىگىندە جاڭبىر مەن نايزاعاي كۇتىلەدى.
وڭتۇستىك-شىعىستاعى تاۋلى اۋدانداردا جاڭبىر مەن قار تۇرىندە جاۋىن-شاشىن تۇسەدى. بارلىق وڭىردە - ەكپىندى جەل، تۇندە جانە تاڭەرتەڭ - تۇمان، سولتۇستىكتە بۇرشاق بولجانادى، دەپ حابارلايدى قازاقپارات «قازگيدرومەت» ر م ك-عا سىلتەمە جاساپ.
قىزىلوردا، اتىراۋ، ۇلىتاۋ، باتىس قازاقستان، جامبىل، تۇركىستان جانە قاراعاندى وبلىستارىندا ءورت تۇتانۋ قاۋپى جوعارى.