تاجىكستان قازاقستاننان اكەلىنەتىن ەسكى كولىكتەردى كىرگىزۋگە تىيىم سالادى

استانا. قازاقپارات - تاجىكستان دۇنيەجۇزىلىك ساۋدا ۇيىمىنا مۇشە ەلدەردەن، ونىڭ ىشىندە قازاقستاننان ەسكى اۆتوكولىكتەردى اكەلۋگە تىيىم سالىپ جاتىر، دەپ حابارلايدى قازاقپارات ءتىلشىسى.

قازستاندارت باسپا ءسوز قىزمەتىنىڭ مالىمەتىنە قاراعاندا، اتالعان شەكتەۋ 2013 -جىلعا دەيىن شىعارىلعان كولىكتەرگە قاتىستى قولدانىلادى.

«تاجىكستان جىل سايىن اۋانىڭ لاستانۋىنا جانە ادام دەنساۋلىعى مەن قورشاعان ورتاعا زيان كەلتىرەتىن ەسكى كولىكتەردى اكەلۋگە، سونداي- اق ەسكى كولىكتەردەن بولاتىن قالدىقتاردىڭ (اككۋمۋلياتورلار، شينالار، كونديتسيونەرلەر) ايتارلىقتاي وسۋىنە جول بەرمەۋگە باعىتتالعان جارلىق ازىرلەدى»، - دەلىنگەن قازستاندارت حابارلاماسىندا.

اتالعان جارلىق 2024 -جىلدىڭ 1-قاڭتارىندا كۇشىنە ەنەدى.

ايتا كەتەيىك، 2005 -جىلدان باستاپ كازستاندارت بازاسىندا ساۋداداعى تەحنيكالىق كەدەرگىلەر جانە سانيتاريالىق ءارى فيتوسانيتاريالىق ءىس- شارالار جونىندەگى اقپاراتتىق ورتالىق جۇمىس ىستەپ تۇر.

ورتالىقتىڭ فۋنكتسيالارىنا د س ۇ حاتشىلىعىنا، د س ۇ- عا مۇشە مەملەكەتتەرگە ءتيىستى اقپارات بەرۋ كىرەدى.