دارحان احمەد- زاكي ق ر عىلىم جانە جوعارى ءبىلىم ۆيتسە- ءمينيسترى قىزمەتىنە تاعايىندالدى

استانا. قازاقپارات – ق ر ۇكىمەتىنىڭ قاۋلىسىمەن دارحان جۇماقان ۇلى احمەد- زاكي ق ر عىلىم جانە جوعارى ءبىلىم ۆيتسە- ءمينيسترى بولىپ تاعايىندالدى.

بۇل تۋرالى قازاقپارات ۇكىمەتتىڭ باسپا ءسوز قىزمەتىنە سىلتەمە جاساپ حابارلايدى.

دارحان احمەد- زاكي 1981 -جىلى شىعىس قازاقستان وبلىسىندا دۇنيەگە كەلگەن.

ءال- فارابي اتىنداعى قازاق مەملەكەتتىك ۋنيۆەرسيتەتىن، ق. ساتبايەۆ اتىنداعى قازاق مەملەكەتتىك تەحنيكالىق ۋنيۆەرسيتەتىن بىتىرگەن.

ەڭبەك جولىن 2002 -جىلى الماتى قالاسىنداعى رەسپۋبليكالىق مەديتسينا كوللەدجىندە فيزيكا جانە ماتەماتيكا پاندەرىنىڭ وقىتۋشىسى بولىپ باستاعان.

2003 -جىلى جاڭاوزەن قالاسىندا «قازاقويل» ج ا ق تەحنولوگيالىق زەرتتەۋلەر ورتالىعىنىڭ ينجەنەر- باعدارلاماشىسى بولىپ جۇمىس ىستەدى.

2004-2012 -جىلدارى — ءال- فارابي اتىنداعى قازۇۋ مەحانيكا- ماتەماتيكا فاكۋلتەتىنىڭ اسسيستەنتى، وقىتۋشىسى، اعا وقىتۋشىسى، دوتسەنتى، دەكاننىڭ وقۋ- تاربيە ءىسى جونىندەگى ورىنباسارى، «ينفورماتيكا» كافەدراسىنىڭ مەڭگەرۋشىسى.

2012-2013 -جىلدارى — ءال- فارابي اتىنداعى قازۇۋ مەحانيكا- ماتەماتيكا فاكۋلتەتىنىڭ دەكانى.

2013-2016 -جىلدارى - ءال- فارابي اتىنداعى قازۇۋ وقۋ ءىسى جونىندەگى پرورەكتورى.

2016-2017 -جىلدارى – ق ر ءبىلىم جانە عىلىم مينيسترلىگىنىڭ جوعارى جانە جوعارى وقۋ ورنىنان كەيىنگى ءبىلىم دەپارتامەنتىنىڭ ديرەكتورى.

2017-2020 -جىلدارى - حالىقارالىق بيزنەس ۋنيۆەرسيتەتىنىڭ پرەزيدەنتى.

2020-2022 -جىلدارى — Astana IT University رەكتورى.

2022 -جىلدان 2023 -جىلدىڭ قىركۇيەگىنە دەيىن — ق ر عىلىم جانە جوعارى ءبىلىم مينيسترلىگى عىلىم كوميتەتىنىڭ ءتوراعاسى.