ەۋروپادان اكەلىنگەن جۇك كولىكتەرىن زاڭسىز تىركەپ كەلگەن توپ ۇستالدى

استانا. قازاقپارات - اقمولا وبلىسىندا 2 جىل بويى جۇك كولىكتەرىن زاڭسىز تىركەۋ بويىنشا قىلمىستىق قىزمەتتى جۇزەگە اسىرعان ادامدار توبى، ونىڭ ىشىندە مامانداندىرىلعان ح ق و قىزمەتكەرلەرى اشكەرەلەندى، دەپ حابارلايدى قازاقپارات قارجى مونيتورينگى اگەنتتىگىنىڭ باسپا ءسوز قىزمەتى.

تەرگەۋ بارىسىندا ق م ا اۋماقتىق دەپارتامەنتى كوكشەتاۋ قالاسىنىڭ ح ق و مامانداندىرىلعان بولىمىنە ەۋروپادان اكەلىنگەن 100-دەن استام اۆتوكولىك قۇرالىن العاشقى تىركەۋ كەزىندە الىم تولەنگەنى تۋرالى جالعان تولەم قۇجاتتارىن بەرۋ فاكتىلەرىن انىقتادى.

قىلمىستىق ءىس- ارەكەتتەن مەملەكەتكە 700 ميلليون تەڭگەدەن استام شىعىن كەلدى.

اتالعان فاكتىلەر بويىنشا سوتقا دەيىنگى تەرگەپ- تەكسەرۋ باستالدى جانە كۇدىكتى ادامدارعا قاتىستى سوت قاماۋدا ۇستاۋ تۇرىندەگى بۇلتارتپاۋ شاراسىنا سانكتسيا بەردى.

ق ر ق پ ك- ءنىڭ 201-بابىن ساي وزگە اقپارات جاريالانبايدى.