شاحماتتان قازاق قىزدار قۇراماسى - الەم چەمپيوناتىنىڭ كۇمىس جۇلدەگەرى

بىدگوش. قازاقپارات - شاحماتتان قازاقستان قىزدار قۇراماسى كوماندالىق الەم چەمپيوناتىنىڭ كۇمىس جۇلدەگەرى اتاندى، دەپ حابارلايدى قازاقپارات «شرەدينگەر سپورتى» Telegram-ارناسىنا سىلتەمە جاساپ حابارلايدى.

فينالدا قازاقستاندىق شاحماتشىلار گرۋزيا قۇراماسىنا جول بەردى. اقتىق كەزەڭنىڭ العاشقى ماتچىندا قازاقستان - 1,5-2,5، ەكىنشى ماتچىندا - 0,5-3,5 ەسەبىمەن جەڭىلىپ قالدى.

ۇلتتىق قۇراما ساپىندا ءبيبىسارا اساۋبايەۆا، كسەنيا بالابايەۆا، اسەل سەرىكباي، مەرۋەرت كاماليدەنوۆا، الۋا نۇرمانوۆا جانە ءامينا قايىربەكوۆالار ونەر كورسەتتى.

قولا مەدالدى فرانسيا قۇراماسى يەلەندى. ولار ءۇشىنشى ورىن ءۇشىن ويىندا ا ق ش شاحماتشىلارىنان ايلاسىن اسىردى.

بۇعان دەيىن ق ر قۇراماسى فينالعان جولداما العانىن جازعان ەدىك.

شاحماتتان 2023 -جىلعى كوماندالىق الەم چەمپيوناتى پولشانىڭ بىدگوش قالاسىندا ءوتتى. وندا 12 كوماندا باق سىنادى. تۋرنير 2007 -جىلدان بەرى ۇيىمداستىرىلىپ كەلەدى. ءبىراق قازاقستان بۇعان دەيىن شيرەك فينالدان ءارى اسىپ كورگەن ەمەس.