ىشىندە دۋشى بار، مۇگەدەكتەرگە جاعداي جاسالعان جاڭا ۆاگوندار قاي باعىتتا قاتىنايدى
«ەلىمىزدىڭ پويىز پاركىندە 2500 ۆاگون بار. بۇگىن قۇرام تاعى 50 جاڭا ۆاگونمەن تولىعىپ جاتىر. ۆاگوندار ءوز ەلىمىزدە جاسالعان، «زيكستو» ا ق (پەتروپاۆل) ءونىمى. وسى قىركۇيەكتە تاعى 100 ۆاگون ساتىپ الامىز، ال كەلەسى جىلى جاڭا ۆاگونداردىڭ قاتارىن 157 گە اپارماقپىز. تاعى ءبىر ايتا كەتەتىنى، وتاندىق ونىمگە ءمان بەرىپ وتىرمىز. 2025 -جىلى «شتادلەر قازاقستان» شۆەيتساريالىق كومپانياسى ءوز ونىمدەرىن شىعارا باستايدى. بەس جىلدىڭ ىشىندە 537 ۆاگون شىعارۋ جوسپارى بار»، - دەدى كولىك كوميتەتىنىڭ ءتوراعاسى ءالي التاي جاڭا ۆاگونداردى قابىلداۋ بارىسىندا.
ونىڭ مالىمەتىنشە، «جولاۋشىلار تاسىمالى» ا ق ۆاگوندارىنىڭ I توزعان. سونداي- اق، سپيكەر قولدانىسقا بەرىلگەنىنە 40 جىل بولعان ۆاگوندار بارىن ايتتى.
«جاڭا ۆاگوندار زاماناۋي ءارى ىڭعايلى. قاجەتتى جاعداي جاسالعان. ءار ۆاگوندا دۋش، جەلدەتكىش (كونديتسيونەر) جانە مۇگەدەك جاندارعا بولەك ورىن مەن ءجۇرىپ- تۇرۋىنا جاعداي بار»، - دەيدى كوميتەت باسشىسى.
ايتا كەتەيىك، بۇگىن ەلورداعا وتاندىق «زيكستو» زاۋىتىنىڭ زاماناۋي پلاتسكارت جانە كۋپە جولاۋشىلار ۆاگوندارىنىڭ ءبىرىنشى پارتياسى جەتكىزىلدى.
جاڭا 50 ۆاگون قاراعاندى - جەزقازعان، اتىراۋ - ماڭعىستاۋ، اتىراۋ — اقتوبە باعىتتارىندا قاتىنايدى.
بۇعان دەيىن ەلىمىزدە 654 ەسكى ۆاگون جولاۋشى تاسىمالداپ جۇرگەنىن حابارلاعان ەدىك.