قازاقستاندا ستۋدەنتتەرگە بەرىلەتىن گرانت كوبەيمەك
«جالپى، ەلىمىزدە شەتەلدىك جوعارى ءبىلىمدى الۋعا مۇمكىندىك جاساۋ باعىتىندا شەتەلدىك جوعارى وقۋ ورىندارىنىڭ فيليالدارىندا وقۋعا جىل سايىن
1700 ستۋدەنتتى قابىلداۋ كوزدەلگەن. سايكەسىنشە قاراجات قاراستىرىلعان. كادرلاردى دايارلاۋ بويىنشا بيىلعا قاراعاندا 2024-جىلى 5 مىڭ قوسىمشا گرانت بەرۋ جوسپارلانعان، 180 مىڭ ستۋدەنت جوعارىلاتىلعان ستيپەنديا الادى»، - دەدى ا. بەيسەنبەك ۇلى.
ونىڭ ايتۋىنشا، 15 مىڭعا جۋىق ستۋدەنتتى جاتاقحانادا ورىنمەن قامتاماسىز ەتۋگە 2024-جىلعا 6 ميلليارد تەڭگە قاراستىرىلعان.
«سونىمەن قاتار، 4 مىڭ جەتىم بالا مەن مۇمكىندىگى شەكتەۋلى ادامدارعا جاتاقحانالاردا تۇرعانى ءۇشىن وتەماقى تولەۋ قاراستىرىلعان. بۇعان 2024-2026-جىلدارعا 1,2 ميلليارد تەڭگە سوماسىندا قاراجات بولىنبەك. ال عىلىمدى قارجىلاندىرۋ كولەمى اعىمداعى جىلدىڭ دەڭگەيىنەن 50 پايىزعا ارتىپ، 242 ميلليارد تەڭگەنى قۇرايدى. بۇل 616 جەتەكشى عالىمنىڭ ەڭبەكاقىسىن ۇلعايتۋعا، ىرگەلى زەرتتەۋلەرمەن اينالىساتىن 11 عىلىمي زەرتتەۋ ينستيتۋتىن قارجىلاندىرۋمەن قامتاماسىز ەتۋگە مۇمكىندىك بەرەدى. مۇنىمەن قوسا، 720 جاس عالىم الەمنىڭ جەتەكشى عىلىمي ورتالىقتارىندا تاعىلىمدامادان وتەتىن بولادى»، - دەدى ۆيتسە-مينيستر.