ماس ادام فۋتبول ويناپ جۇرگەن بالالاردى سوققىعا جىقتى: ءبىر بالا اۋرۋحانادا جاتىر

رۋدنىي. قازاقپارات - رۋدنىيدا ماس ەر ادام سپورت الاڭىندا ويناپ جۇرگەن بالالارعا تيىسكەن، دەپ حابارلايدى قازاقپارات جەرگىلىكتى ناشا گازەتا باسىلىمىنا سىلتەمە جاساپ.

وقيعا كەشە لەنين كوشەسى، 177- ءۇي مەكەنجايى ماڭىندا بولدى.

12-13 جاس شاماسىنداعى جاس وسپىرىمدەر فۋتبول ويناپ جۇرگەن سپورت الاڭىنا ماس ەر ادام كىرىپ، دوپ تەبە باستاعان.

- ولار كەتكىسى كەلگەن، ءبىراق ەر ادام بالالاردىڭ ءبىرىن قۋىپ جەتىپ، باسىنان تىزەمەن تەۋىپ، جۇدىرىقپەن ۇرعان. ميى شايقالعان بالا اۋرۋحاناعا جاتقىزىلدى، قازىر دارىگەرلەردىڭ باقىلاۋىندا، - دەپ حابارلادى جاس وسپىرىمدەردىڭ اتا-اناسى.

قوستاناي وبلىستىق پوليتسيا دەپارتامەنتىنىڭ باسپا ءسوز قىزمەتى وقيعانىڭ ءمان-جايى انىقتالىپ جاتقانىن ءمالىم ەتتى.