جاپونيا پرينتەرمەن ەكى كۇندە شاعىن ۇيلەر باسىپ شىعارا باستادى
اۋماعى 50 شارشى مەترلىك ءۇي 44,5 ساعات ىشىندە جاسالىپ، 37 مىڭ دوللارعا ساتىلادى ەكەن. 3D- پرينتەردە باسىپ شىعارىلعان Fujitsubo ۇيىندە ءبىر جاتىن بولمە، ءبىر جۋىناتىن بولمە جانە اسۇيمەن بىرىككەن اشىق قوناق بولمەسى بار. جاپونيا دەنساۋلىق ساقتاۋ ستاندارتتارىنا سايكەس، مۇنداي ۇيدە جالعىز ادام نەمەسە جاس جۇبايلار تۇرا الادى، ءبىراق تەحنيكالىق تۇرعىدا ودان دا كوپ ادام سىيادى.
«40 جىل بۇرىن ءوندىرىس پروتسەسىنە روبوتتاردى پايدالاناتىن يننوۆاتسيا پايدا بولىپ، اۆتوموبيل ونەركاسىبىندە باعا تومەندەي باستادى. ءبىز 3D- پرينتەرگە باسىپ شىعارىلعان ءۇي - ءتۇرعىنۇي سالاسىن تولىقتاي روبوتتاندىرۋدىڭ باستاماسى دەپ ويلايمىز»، - دەلىنگەن Serendix مالىمدەمەسىندە.
قازىر كومپانيا ءوز ۇيلەرىن سالۋعا بەس پرينتەر پايدالانادى، ءبىراق 2024 -جىلى تاعى 12 پرينتەردى قوسىپ، جىلىنا 850-گە جۋىق ءۇي سالۋدى جوسپارلاپ وتىر. نەگىزىنەن ءۇي سالۋعا بوس ورىندار بار شاعىن قالالارعا باسىمدىق بەرىلەدى.