ۇتقىرلىعمەن ەل ەسىندە قالعان تاريحي جاۋاپتار
* سوكرات ءولىم جازاسىنا كەسىلگەنىندە ايەلى: «ادىلەتسىز تۇردە ءولىم جازاسىنا كەسىلىپ جاتسىڭ!» دەپ جىلاي باستايدى. سوكرات وعان بىلاي دەپ جاۋاپ بەرەدى: «نە، سوندا ادىلەتتى تۇردە ءولتىرىلۋىم كەرەك پە ەدى؟»
* ياۆۋز سۇلتان ءسالىم حان باسقا دا وسمان پاتشالارى سەكىلدى جورىققا اتتاناتىن جەرلەرىن قۇپيا ۇستايدى ەكەن. بىردە جورىققا شىعاردا ۋازىرلەرىنىڭ بىرەۋى قاي ولكەگە بارا جاتقانىن قوياردا-قويماي سۇرايدى. ياۆۋز سۇلتان وعان: «سەن سىر ساقتاۋدى بىلەسىڭ بە؟» دەيدى. ءۋازىرى: «البەتتە ءامىرشىم، بىلەمىن» دەگەنىندە سۇلتان: «مەن دە بىلەمىن» دەپ جاۋاپ بەرىپتى.
* فرانسيا ۇكىمەت مۇشەلەرىنىڭ ءبىرى ساۋساعىن كارتانىڭ ۇستىندە جۇرگىزىپ: «ەڭ ءبىرىنشى وسى جەردى جاۋلاپ الۋىڭىز كەرەك ەدى، سوسىن باسقا جەرلەردى جاۋلاي بەرەتىن ەدىڭىز» دەپ ناپولەونعا سىن ايتا باستايدى. سوندا ناپولەون: «ءيا، ولاردى ساۋساقپەن جاۋلاپ الا بەرۋ مۇمكىن بولعاندا ايتقانىڭىزداي ىستەر ەدىم» دەگەن ەكەن.
* ءبىر فيلوسوفتان «ءسىز ساتتىلىككە سەنەسىز بە؟» دەپ سۇراعاندا فيلوسوف بىلاي دەپ جاۋاپ قاتىپتى: «ءيا، ايتپەسە جاقسى كورمەيتىن ادامدارىمنىڭ جەتىستىكتەرىن قالاي تۇسىندىرەر ەدىم.»
* ءبىر جينالىستا ءبىر جاس جىگىت تۇرىك اقىنى مەحمەت اكيفتى كەمسىتۋ ءۇشىن: «كەشىرىڭىز، ءسىز مال دارىگەرىسىزبە؟» دەپ سۇراعانىندا، اكيف ەش قىنجىلماستان: «ءيا، ءبىر جەرىڭىز اۋىرىپ تۇر ما؟» دەپ جاۋاپ بەرىپتى.
* ءبىر كۇنى فيلوسوف ديوگەن وتە تار كوشەدە باي، تاكاپپار اداممەن كەزىگىپتى. بىرەۋى شەتكە شىعىپ جول بەرمەيىنشە ءوتۋ مۇمكىن بولماپتى. الايدا، ماڭعاز باي فيلوسوفقا: «مەن ءبيشارالارعا جول بەرمەيمىن» دەپتى. سوندا ديوگەن جولدىڭ شەتىنە شىعىپ: «ال مەن جول بەرەمىن!» دەپتى.