قاراعاندىدا جول ەرەجەسى درون ارقىلى باقىلانادى
قۇرىلعى جول اپاتى كوپ بولاتىن الماتى- ەكاتەرينبۋرگ تاسجولىنداعى قاۋىپسىزدىكتى قاداعالايدى. قازىر پوليتسيا دەپارتامەنتىندە وسىنداي 3 ۇشۋ اپپاراتى بار. ولار كەز كەلگەن كولىكتىڭ ءنومىرىن 200 مەتر قاشىقتان ايقىن تۇسىرە الادى.
جالپى وبلىستا جىل باسىنان بەرى جول كولىك وقيعاسىنان 81 ادام وپات بولدى. ءبىر كولىكتەگى 5، ءتىپتى 9 ادام قازا تاپقان جانتۇرشىگەرلىك اپاتتار وسى جولدا تىركەلدى.
بەكزات ساۋلەمبايەۆ، پ د پاترۋلدىك پوليتسيا باتالونىنىڭ كومانديرى:
- جازعى كەزەڭدە الماتى- ەكاتەرينبۋرگ رەسپۋبليكالىق ماڭىزى بار جولىندا ج ك و ءجيى ورىن الىپ وتىر. وسىعان بايلانىستى پ د شەشىمىمەن پاترۋلدىك پوليتسيا ناريادىنىڭ سانى 10 نان 32-گە دەيىن ۇلعايدى. درون قۇرىلعىسى ارقىلى جولدىڭ قارسى باعىتىنا شىققان جۇرگىزۋشىلەردى انىقتاپ، اكىمشىلىك حاتتاما تولتىرامىز. كۇنىنە 1 ۋچاسكەدەن 10-15 قۇقىقبۇزۋشىلىق وسى درون ارقىلى انىقتالادى.
www.24.kz