قازاقستان - سولتۇستىك يرلانديا ماتچى ەكسپو ساحناسىندا تىكەلەي كورسەتىلەدى

استانا. قازاقپارات - ەكسپو الاڭىندا «فۋتبول جولى» سپورت فەستيۆالى وتەدى، دەپ حابارلايدى قازاقپارات استانا اكىمدىگىنىڭ رەسمي سايتىنا سىلتەمە جاساپ.

سپورت فەستيۆالى 10-قىركۇيەكتە ساعات 14.00 دەن 22.00 گە دەيىن وتەدى.

ءىس-شارا اياسىندا ەكسپو الدىنداعى الاڭنىڭ جازعى ساحناسىندا قازاقستان مەن سولتۇستىك يرلانديا قۇرامالارى اراسىنداعى ەۋرو-2024 ىرىكتەۋ كەزەڭىنىڭ تىكەلەي كورسەتىلىمى وتەدى.

سونداي-اق، جينالعانداردىڭ الدىندا M'Dee ونەر كورسەتەدى.

ەستەرىڭىزگە سالا كەتەيىك، قازاقستان مەن سولتۇستىك يرلانديا ماتچى «استانا ارەنا» ستاديونىندا وتەدى.

جانكۇيەرلەرگە ىڭعايلى بولۋ ءۇشىن ستاديونعا ارنايى اۆتوبۋستار قاتىنايدى.

ماتچقا بايلانىستى جولداردىڭ ءبىر بولىگى جابىلادى، سول سەبەپتى ەرتەرەك شىعىپ، قوزعالىس باعىتىن الدىن الا جوسپارلاۋى قاجەت.

سونىمەن قاتار ويىندى تىكەلەي ەفيردە «Qazsport» تەلەارناسىنان كورۋگە بولادى.

قازاقستان قۇراماسىنىڭ باس باپكەرى ماگومەد ادييەۆ ماتچ الدىنداعى باسپا ءسوز ءماسليحاتىندا سولتۇستىك يرلاندياعا قارسى ويىنعا دايىندىق تۋرالى ايتتى. ايتۋىنشا، ەل قۇراماسى ساپىندا وزگەرىستەر بولادى.