سابىر ساقتاپ، عيماراتتان شىعىڭىز: الماتىدا سەيسميكالىق وقۋ-جاتتىعۋ وتەدى
تاڭعى ساعات 10:00 دە قالا بويىنشا دابىل جۇيەلەرى ىسكە قوسىلادى، دەپ حابارلايدى قازاقپارات ءتىلشىسى.
قالالىق توتەنشە جاعدايلار دەپارتامەنتىنىڭ وكىلدەرى، قالا تۇرعىندارى مەن قوناقتارىنان سەيسميكالىق جاتتىعۋدى باستاماس بۇرىن دابىل چەمودانىن دايىنداپ، قاۋىپسىز جەرگە ەۆاكۋاتسيالاۋ باعىتىن الدىن الا ايقىنداۋ كەرەكتىگىن ايتتى.
- قاۋىپسىز ورىندار - ەلەكتر جەلىلەرى مەن عيماراتتاردان الىس ورنالاسقان اشىق جەرلەر.
- «بارلىعىنا، نازار اۋدارىڭىز!» سيگنالىن ەستىگەننەن كەيىن، سابىر ساقتاپ، عيماراتتان ەۆاكۋاتسيالانىڭىز.
- توتەنشە جاعدايلارعا دايىن بولۋ - ادام ءومىرى مەن دەنساۋلىعىن ساقتاۋدىڭ كەپىلى. سەيسميكالىق جاتتىعۋعا بەلسەندى قاتىسۋعا شاقىرامىز.
«قالادا شارتتى تۇردە باسپاناسىز قالعان ادامدارعى 384 قابىلداۋ پۋنكتى ءىس جۇزىندە ورنالاستىرىلادى. اتالعان بەكەتتەر حالىقتى جيناۋعا، تىركەۋگە، ۋاقىتشا ورنالاستىرۋعا، زارداپ شەككەن حالىقتى قاجەتتى زاتتارمەن (سۋ، تاماق، ازىق-تۇلىك) قامتاماسىز ەتۋگە، كولىككە وتىرعىزىپ جانە قاۋىپسىز اۋداندارعا ەۆاكۋاتسيالاۋعا ارنالعان»، - دەپ حابارلادى دەپارتامەنتتەن.
ت ج د قىزمەتكەرلەرى، جەر سىلكىنىسى كەزىندە قاراپايىم 10 قادامعا ءمان بەرۋگە شاقىردى:
- جەر ءدۇمپۋى كەزىندە ۇرەيلەنبەڭىز؛
- جەر سىلكىنۋ كەزىندە ليفت جانە باسپالداقتى قولدانباڭىز؛
- جيھازدان، تەرەزەدەن، اسپاشامداردان الىس تۇرىڭىز؛
- جاسىرىناتىن جەردى تابىڭىز (ەگەر جوعارعى قاباتتا بولساڭىز، نەگىزگى ىرگەلى قابىرعالاردىڭ بۇرىشىندا جاسىرىنىڭىز)؛
- عيماراتتان شىعىڭىز (كوپقاباتتى ۇيلەردە جەر سىلكىنىسى اياقتالعان سوڭ)؛
- ۇيدەن شىعار الدىندا سۋدى، گازدى، ەلەكتر قۋاتىن مۇمكىندىگىڭىزشە ءوشىرىڭىز؛
- دابىل جول سومكەسىن الىڭىز (الدىن الا دايىنداۋ قاجەت)؛
- ەلەكتر جەلىلەردەن، عيمارات، اعاشتاردان اۋلاق بولىڭىز؛
- جەراستى ءدۇمپۋىنىڭ قايتالانۋىنا دايىن بولىڭىز؛
- قارت ادامدارعا، بالالارعا، مۇمكىندىگى شەكتەۋلى ادامدارعا كومەك كورسەتىڭىز؛
الماتى 9-10 بالدىق سەيسميكالىق ايماقتا ورنالاسقان. جىل سايىن قالادا 200 گە دەيىن ءالسىز، سەزىلمەيتىن جەر سىلكىنىسى بولادى.
بۇل رەتتە 2 دەن 4 بالعا دەيىنگى جەر سىلكىنىستەرى - الماتى ءۇشىن فوندىق رەجيم.