اقمولا وبلىسىندا جاس ءوسپىرىم قىزعا ىزدەۋ جاريالاندى

كوكشەتاۋ. قازاقپارات - كوكشەتاۋ قالاسىنىڭ تۇرعىنىنان 2006-جىلى تۋعان قىزى لەيلا اسحات قىزى تويبازاردى ىزدەۋگە جاردەمدەسۋ تۋرالى ءوتىنىش كەلىپ تۇسكەن، دەپ حابارلايدى قازاقپارات polisia.kz تەلەگرام كانالىنا سىلتەمە جاساپ.

جاس ءوسپىرىم 7- قىركۇيەك ساعات 15.00 شاماسىندا ۇيدەن بەلگىسىز باعىتقا شىعىپ كەتكەن جانە وسى ۋاقىتقا دەيىن ونىڭ ورنالاسقان جەرى بەلگىسىز. ول بۇعان دەيىن دە بىرنەشە رەت ۇيدەن كەتىپ قالعان.

بويى - 155 سانتيمەر، ارىق دەنەلى، قوڭىر كوزدى، شاشتارى قارا جانە قىسقا، ماڭدايىنىڭ وڭ جاعىندا كىشكەنتاي تىرتىق بار. ۇستىنە قارا ءتۇستى كۇرتەشە، قارا ءتۇستى جيلەت، باسىنا قارا كەپكا كيگەن.

قازىرگى ۋاقىتتا ىزدەۋ جۇمىستارىنا ەرىكتىلەر دە قوسىلدى.

حابار-وشارسىز كەتكەن جاس ءوسپىرىمنىڭ ورنالاسقان جەرى تۋرالى قانداي دا ءبىر اقپارات بىلەتىندەردەن ساتبايەۆ كوشەسى، 1 «ا» مەكەنجايىنداعى كوكشەتاۋ قالالىق پ ب- نە نەمەسە 87162299600، 87071198719 تەلەفوندارى ارقىلى حابار بەرۋ سۇرالادى.