قازاقستاندا قانداي ازىق-تۇلىك ونىمدەرى ارزاندادى؟
بيۋرونىڭ مالىمەتىنشە، وتكەن اپتادا الەۋمەتتىك ماڭىزى بار ازىق-تۇلىك تاۋارلارىنىڭ باعا يندەكسى 0,1 پايىزعا تومەندەپ، جىلدىق كورسەتكىش 6,5 پايىزعا ءوستى.
5- قىركۇيەكتەگى جاعداي بويىنشا قازاقستاندا پياز (4,7- پايىز)، كارتوپ (2,7- پايىز)، قىرىققابات، قاراقۇمىق جارماسى، كۇنباعىس مايى، ماكارون ونىمدەرى، ۇن جانە قانت ارزانداعان.
قازاقستاندا ءبىر اپتا ىشىندە كۇرىش (1,1+ پايىز)، ماي (0,6- پايىز)، جۇمىرتقا (0,4- پايىز)، ءسابىز، سۇزبە، ايران، تۇز، سيىر جانە تاۋىق ەتى قىمباتتاعان.
الەۋمەتتىك ماڭىزى بار ازىق-تۇلىك تاۋارلارىنىڭ تىزبەسىنە 19 اتاۋ كىرەدى. باعا وزگەرىسى تۋرالى كورسەتكىشتەر اپتا سايىن جاڭارادى. باعانىڭ وزگەرۋى تۋرالى اقپارات بارلىق وبلىس ورتالىعىنان، رەسپۋبليكالىق ماڭىزى بار قالادان جانە استانادان جينالادى. ول ءۇشىن ەلدى مەكەننىڭ ءارتۇرلى بولىكتەرىندەگى تاۋارلاردىڭ كەڭ اسسورتيمەنتى بار ءارتۇرلى تيپتەگى ساۋدا وبەكتىلەرى (گيپەرماركەتتەر، سۋپەرماركەتتەر، دۇكەندەر، كوممۋنالدىق بازارلار، الەۋمەتتىك دۇكەندەر مەن پاۆيلوندار) تاڭدالادى.