سولتۇستىك كورەيا يادرولىق قارۋمەن جابدىقتالعان سۇڭگۋىر قايىقتى قولدانىسقا بەردى

استانا. قازاقپارات - سولتۇستىك كورەيا تاكتيكالىق يادرولىق قارۋمەن جابدىقتالعان اتومدىق سۇڭگۋىر قايىعىن سۋعا جىبەردى، دەپ حابارلايدى قازاقپارات Euronews-كە سىلتەمە جاساپ.

KCNA مەملەكەتتىك اقپارات اگەنتتىگىنىڭ دەرەگىنشە، جاڭا سۇڭگۋىر قايىق سارسەنبى كۇنى سولتۇستىك كورەيا پرەزيدەنتى كيم چەن ىن قاتىسقان ءىس-شارادا تانىستىرىلدى. ونىڭ ايتۋىنشا، «بۇل - كەلەشەكتە يادرولىق قارۋدى قارقىندى دامىتۋدىڭ ءبىر بولىگى».

841№ سۇڭگۋىر قايىققا اتالعان ەلدىڭ قاھارمانى كيم كۋن وكتىڭ ەسىمى بەرىلگەن.

كيم چەن ىن ك ح د ر سۋاستى قايىقتارىنىڭ بارلىعىن يادرولىق قارۋمەن جابدىقتالعان اسكەري كەمەگە اينالدىراتىنىن اتاپ ءوتتى.

Nuclear Threat Initiative امەريكا اناليتيكالىق ورتالىعىنىڭ دەرەگى بويىنشا، سولتۇستىك كورەيادا 64 تەن 86 عا دەيىن سۋاستى قايىعى بار. ول - الەمدەگى ەڭ ءىرى سۋاستى فلوتتارىنىڭ ءبىرى. دەگەنمەن ساراپشىلار سۇڭگۋىر قايىقتاردىڭ جىلىن ەسكەرە وتىرىپ، ولاردىڭ ءبارى جۇمىس ىستەيتىنىنە كۇمانمەن قارايدى.