بەلارۋس پەن موڭعوليا ش ى ۇ- عا مۇشە بولادى
«شاڭحاي ىنتىماقتاستىعى ۇيىمى (ش ى ۇ) قاتىسۋشىلارىنىڭ قۇرامى ۇنەمى كەڭەيىپ كەلەدى. بۇل - ءبىزدىڭ ۇيىمنىڭ تۇراقتى ءوسىپ كەلە جاتقان حالىقارالىق بەدەلى مەن ىقپالىنىڭ دالەلى. بۇگىنگى وتىرىسقا، ياعني وڭىرلىك تەرروريزمگە قارسى قۇرىلىم كەڭەسىنىڭ جۇمىسىنا شىۇ تولىققاندى مۇشەسى رەتىندە يران يسلام رەسپۋبليكاسىنىڭ وكىلى العاش رەت قاتىسىپ وتىر. كەلەسى جىلى ش ى ۇ- عا مۇشە بولۋ ءراسىمىن اياقتايتىن بەلارۋس رەسپۋبليكاسىنان تاجىريبەلى ماماندار قاتارىمىزعا قوسىلادى دەپ جوسپارلانعان. بۇل باعىتتا موڭعوليادا دا جۇمىستار ءجۇرىپ جاتىر»، - دەدى ق ر ۇلتتىق قاۋىپسىزدىك كوميتەتى ءتوراعاسىنىڭ ورىنباسارى رۋسلان سەيسەمبايەۆ استانادا ءوتىپ جاتقان ش ى ۇ وتىرىسىندا.
ۇ ق ك باسشىسى ورىنباسارىنىڭ ايتۋىنشا، تەرروريزم، ەكسترەميزم جانە سەپاراتيزممەن كۇرەستە كوپجاقتى ىنتىماقتاستىقتى دامىتۋعا سەرپىن بەرۋ ءۇشىن كەڭەسكە ش ى ۇ جانىنداعى بايقاۋشىلاردىڭ وكىلدەرى شاقىرىلدى.
بۇعان دەيىن استانادا قازاقستاننىڭ توراعالىعىمەن شاڭحاي ىنتىماقتاستىق ۇيىمىنىڭ (ش ى ۇ) وڭىرلىك تەرروريزمگە قارسى قۇرىلىم راتس كەڭەسىنىڭ 40-ى وتىرىسى ءوتىپ جاتقانى تۋرالى حابارلاعان ەدىك.
اۆتور:
داۋلەت ىزتىلەۋ