لاڭكەستەر قوجا احمەت ياساۋي كەسەنەسىن جارماق بولعان - ۇ ق ك
«قازاقستاندا تەرروريستىك قاۋىپ تۇراقتى تۇردە ساقتالىپ وتىر. جىل سايىن كەم دەگەندە 2 تەرروريستىك شابۋىلدىڭ الدى الىنادى. مىسالى، بيىل عانا دايىندىقتىڭ ەرتە كەزەڭىندە تۇركىستانداعى قوجا احمەت ياساۋي كەسەنەسىن قولدان جاسالعان جارىلعىش قۇرىلعىمەن جارۋدىڭ جولى كەسىلدى. سونداي- اق، استانادا ادامدار جاپپاي جينالعان جەرلەردە قارۋلى شابۋىل جاساۋ ارەكەتتەرى توقتاتىلدى. بىزگە كەلىپ تۇسكەن اقپارات «ش ى ۇ- عا مۇشە مەملەكەتتەر ءۇشىن تەرروريستىك قاتەرلەردىڭ قالىپتاسۋى ءبىرقاتار ۇستەم فاكتوردىڭ اسەرىنەن بولادى» دەگەن قورىتىندى جاساۋعا مۇمكىندىك بەرەدى»، - دەدى رۋسلان سەيسەمبايەۆ استانادا ءوتىپ جاتقان ش ى ۇ وتىرىسىندا.
ايتا كەتەيىك، بۇگىن ەلوردادا قازاقستاننىڭ توراعالىعىمەن شاڭحاي ىنتىماقتاستىق ۇيىمىنىڭ (ش ى ۇ) وڭىرلىك تەرروريزمگە قارسى قۇرىلىم راتس كەڭەسىنىڭ 40-وتىرىسى ءوتىپ جاتىر.
اۆتور:
داۋلەت ىزتىلەۋ