اقمولا وبلىسىندا ەگىن جيناۋ ناۋقانى ماسەلەلەرى جونىندەگى كوميسسيا قۇرىلدى

كوكشەتاۋ. قازاقپارات - اقمولا وبلىسىنىڭ اكىمى مارات احمەتجانوۆ وڭىرلەر بويىنشا العاشقى ساپارىن اتباسار اۋدانىنان باستادى، وندا ەگىن جيناۋ ناۋقانىنىڭ پروبلەمالىق ماسەلەلەرى بويىنشا وبلىستىڭ اۋىل شارۋاشىلىعى قۇرىلىمدارىنىڭ باسشىلارىمەن كەزدەستى.

بۇل تۋرالى قازاقپارات وبلىس اكىمدىگىنە سىلتەمە جاساپ حابارلايدى.

مەملەكەت باسشىسىنىڭ جولداۋى اياسىندا اگروونەركاسىپتىك كەشەندى دامىتۋدىڭ ماڭىزدىلىعىن اتاپ ءوتىپ، وبلىس اكىمى شىعىنداردى ازايتۋ ءۇشىن بارلىق شارالار قابىلداناتىنىن اتاپ ءوتتى.

«ەڭ باستىسى - كۇن رايىنىڭ جاقسارۋىن پايدالانىپ، ەگىن جيناۋدى ۇيىمداسقان تۇردە اياقتاۋ. ماعان بارلىق مۇددەلى ورگانداردىڭ قاتىسۋىمەن ءبىرىنشى ورىنباسارىمنىڭ باسشىلىعىمەن كوميسسيا قۇرۋ تاپسىرىلدى، ول ءوز كەزەگىندە پروبلەمالىق ماسەلەلەرگە تالداۋ جۇرگىزەدى جانە ۇكىمەتكە حات جولدايدى. ءبىز مەملەكەتكە جانە وبلىس اكىمى رەتىندە ماعان بايلانىستى بارلىق قاجەتتى شارالاردى قابىلدايمىز. مەملەكەت باسشىسى اۋىل شارۋاشىلىعىن دامىتۋ جانە ەلدىڭ ازىق- تۇلىك قاۋىپسىزدىگىن قامتاماسىز ەتۋ ماڭىزدى بولىپ تابىلاتىن ەكونوميكانىڭ ناقتى سەكتورىنا ەرەكشە نازار اۋدارادى. ءبىزدىڭ وبلىس - ءىرى اگروونەركاسىپتىك ءوڭىر. سىزدەر تەك وبلىستى عانا ەمەس، ەلدى دە تاماقتاندىراسىز»، - دەپ اتاپ ءوتتى م. احمەتجانوۆ.

ايتا كەتەيىك، بۇگىندە ەگىستىك القابىنىڭ 16 پايىزى جينالدى.

كەزدەسۋ بارىسىندا «سەپە-1»، «باستاۋ»، «پولتاۆكا 2»، «قورجىنكول- ا» ج ش س ديرەكتورلارى جانە باسقا دا شارۋا قوجالىقتارىنىڭ پروبلەمالارىن، ونىڭ ىشىندە «اگرارلىق نەسيە كورپوراتسياسى» ا ق، «ازىق- تۇلىك كورپوراتسياسى» ا ق جانە باسقا دا قارجى ۇيىمدارىنىڭ شارتتىق مىندەتتەمەلەرى جانە كەپتىرۋ قوندىرعىلارىنا قوسىمشا وتىن ءبولۋ تۋرالى ءسوز قوزعادى.

«ءبىز بارلىق ماسەلەلەردى شەشۋگە جان- جاقتى قارايمىز. ەڭ الدىمەن، استىقتى كەپتىرۋ ءۇشىن، وتىنمەن قامتاماسىز ەتۋ، ەليەۆاتورلاردىڭ تاۋلىك بويى استىق قابىلداۋ جونىندەگى قىزمەتىن ۇيىمداستىرۋ ماسەلەسىن قاراستىرۋ قاجەت. بارلىعىن ءبىر دانگە دەيىن ساقتاۋ كەرەك. ءبىزدىڭ وبلىسقا اۋىل شارۋاشىلىعى مينيسترلىگى قۇرعان كوميسسيا شىعادى. بيلىك پەن قوعامنىڭ سينەرگياسى بولۋى كەرەك»، - دەپ تۇيىندەدى ايماق باسشىسى.

كەزدەسۋ سوڭىندا قاتىسۋشىلار مارات احمەتجانوۆقا قولداۋ كورسەتكەنى جانە نازار اۋدارعانى ءۇشىن العىس ءبىلدىرىپ، بارلىق ايتىلعان ماسەلەلەردىڭ شەشىلۋىنە ءۇمىت ءبىلدىردى.