الماتى- وسكەمەن تراسساسىندا جول بەلگىسىن سالىپ جاتقان جۇمىسشىنى كولىك قاعىپ ءولتىردى

تالدىقورعان. قازاقپارات - «الماتى- وسكەمەن» تاسجولىنىڭ 410-شاقىرىمىندا «Toyota Camry» كولىگىنىڭ 22 جاستاعى جۇرگىزۋشىسى 34 جاستاعى جاياۋ جۇرگىنشىنى قاعىپ كەتتى، دەپ حابارلايدى قازاقپارات جەرگىلىكتى پوليتسياعا سىلتەمە جاساپ.

جول ۇيىمىنىڭ قىزمەتكەرى جول-كولىك وقيعاسى كەزىندە جول بەلگىلەرىن سالىپ جاتقان.

سوققىدان ەر ادام وقيعا ورنىندا كوز جۇمدى.

كولىك اپاتى بويىنشا قاجەتتى ساراپتاما تاعايىندالعان، سوتقا دەيىنگى تەرگەۋ امالدارى باستالدى.

اۆتوكولىك ارنايى تۇراققا قويىلدى.

«قۇرمەتتى جۇرگىزۋشىلەر، كولىك جۇرگىزۋ كەزىندە وتە ساق جانە مۇقيات بولۋلارىڭىزدى سۇرايمىز. وبلىس پوليتسەيلەرى بارشاڭىزدى جول ەرەجەسىن ساقتاۋعا جانە جىلدامدىق رەجيمىن شەكتەن تىس اسىرماۋعا شاقىرادى» دە ەسكەرتەدى پوليتسيا.