قورعاستا ءبىر توپ جاس جىگىت توبەلەسكەن: وقيعا ورنىنان تاپانشا تابىلدى

تالدىقورعان. قازاقپارات - «قورعاس» شەكارا ماڭى ىنتىماقتاستىعى حالىقارالىق ورتالىعىنىڭ اۋماعىندا توبەلەس بولدى، دەپ حابارلايدى قازاقپارات ءتىلشىسى.

جەتىسۋ وبلىستىق پوليتسيا دەپارتامەنتى ءمالىم ەتكەندەي، قاقتىعىس 20 مەن 26 جاس ارالىعىنداعى جەرگىلىكتى تۇرعىندار اراسىندا بولعان. ءتارتىپ ساقشىلارى ولاردىڭ كىم ەكەنىن انىقتادى.

«توبەلەسكە قاتىسقانداردىڭ بارلىعى پوليتسيا بولىمشەسىنە جەتكىزىلدى. زارداپ شەككەندەر جوق. وقيعانىڭ ءمان- جايى انىقتالىپ جاتىر. تەرگەۋ جالعاسۋدا، ونىڭ قورىتىندىسى بويىنشا وقيعاعا قاتىسقانداردىڭ ارەكەتىنە قۇقىقتىق باعا بەرىلەدى»، - دەپ حابارلادى ۆەدومستۆودان.

پوليتسيا وكىلدەرىنىڭ ايتۋىنشا، وقيعا ورنىنان تراۆماتيكالىق تاپانشا تابىلدى. ول تاركىلەنىپ، قىلمىستىق ءىس ماتەريالدارىنا تىركەلدى.

«اتالعان ءىستى تەرگەپ- تەكسەرۋدى وبلىستىق دەپارتامەنت ەرەكشە باقىلاۋعا الدى»، - دەپ اتاپ ءوتتى دەپارتامەنتتەن.