حاڭجوۋ - الماتى اۋە رەيسىمەن العاشقى جولاۋشىلار ۇشىپ كەلدى

الماتى. قازاقپارات - قىتايدىڭ اۋە كومپانياسى قازاقستان باعىتىندا رەيس اشتى، دەپ حابارلايدى قازاقپارات كولىك مينيسترلىگىنىڭ ازاماتتىق اۆياتسيا كوميتەتىنە سىلتەمە جاساپ.

قازاقستان رەسپۋبليكاسى مەن قىتاي حالىق رەسپۋبليكاسى اۆياتسيالىق بيلىكتەرىنىڭ بىرلەسكەن جۇمىسىنىڭ ارقاسىندا بۇگىن قىتايلىق «Loong Airlines» اۋە كومپانياسى حاڭجوۋ - الماتى باعىتى بويىنشا العاشقى جولاۋشىلار رەيسىن ورىندادى. A321 ۇلگىسىندەگى اۋە كەمەلەرى اپتاسىنا 3 رەت (سەيسەنبى، بەيسەنبى جانە سەنبى كۇندەرى) ۇشادى.

«جاڭا اۋە تاسىمالداۋشىنىڭ قازاقستان اۋە تاسىمالى نارىعىنا كىرۋى، سونداي-اق جاڭا اۋە باعىتىنىڭ اشىلۋى ەلدەر اراسىنداعى ساۋدا-ەكونوميكالىق، تۋريستىك جانە مادەني ىنتىماقتاستىقتى ودان ءارى دامىتۋعا ىقپال ەتەدى»، - دەلىنگەن كوميتەت مالىمدەمەسىندە.

ايتا كەتسەك، حانجوۋ قالاسى - جىجياڭ پروۆينتسياسىنىڭ استاناسى. قالا حالقىنىڭ سانى - 10 ميلليون. 23- قىركۇيەك پەن 8- قازان ارالىعىندا قالادا 19-ازيا ويىندارىن وتكىزۋ جوسپارلانىپ وتىر. حانجوۋ قالاسىنىڭ اۋەجايى - قىتايداعى ەڭ كوپ جۇمىس ىستەيتىن 10 اۋەجايدىڭ ءبىرى.