ساراپشى ءالىمحان ۇلىنىڭ ابسوليۋت چەمپيون اتانۋ مۇمكىندىگى جايلى ويىن ايتتى

استانا. قازاقپارات - بوكس تۋرالى جازاتىن بەلگىلى World Boxing News پورتالىنىڭ رەداكتورى فيل دجەي Vesti.kz تىلشىسىنە بەرگەن سۇحباتىندا WBO چەمپيونى جانىبەك ءالىمحان ۇلى (14-0، 9 KO) مەن IBF تيتۋلىنا يە گەرمانيالىق ۆينچەنتسو گۋالتەري (21-0-1، 7 KO) اراسىندا وتەتىن جەكپە-جەككە قاتىستى پىكىر ءبىلدىردى.

بۇل كەزدەسۋ 14- قازان روزەنبەرگتە (تەحاس شتاتى، ا ق ش) وتەدى.

«ءالىمحان ۇلى وتە مىقتى كورىنەدى. بۇل ايقاسقا كەلىسكەن گاۋلتەري ۇلكەن قاۋىپكە بارىپ وتىر. جەكپە-جەك بارىسىن بولجاۋ قيىن، دەگەنمەن ءالىمحان ۇلى باسىمىراق سياقتى. ونىڭ شەبەرلىگى، تاجىريبە مەن تانىمالدىعى ايتارلىقتاي جوعارى. جەڭىسكە جەتسە ول ارى قاراي تەك دجەرمالل چارلو نەمەسە كارلوس ادامەسپەن عانا قيىندىقتارعا تاپ بولادى. ال قازىر جانىبەك ورتا سالماقتا تيتۋلداردى بىرىكتىرە الاتىن بوكسشىعا ۇقسايدى»، - دەيدى دجەي.