ۇلىتاۋ وبلىسىنداعى كەنىشتە جۇمىسشى قازا تاپتى

ۇلىتاۋ. قازاقپارات - ۇلىتاۋ وبلىسىنداعى «وركەن» ج ش س كەنىشىندە جۇمىسشى قازا تاپتى، دەپ حابارلايدى قازاقپارات ءتىلشىسى.

قازىرگى ۋاقىتتا ارنايى كوميسسيا 39 جاستاعى ۇڭعىماشىنىڭ مەرت بولۋ سەبەبىن انىقتاپ جاتىر. الدىن الا بولجام بويىنشا، كەنشى تاۋ جىنىستارى ءۇيىندىسىنىڭ استىندا قالىپ قويعان.

«وركەن» ج ش س كەنىشىندە جازاتايىم وقيعا بولعانىن قاتتى وكىنىشپەن حابارلايمىز. 1984 -جىلى تۋعان ۇڭعىماشى قازا تاپتى. ارنايى كوميسسيا قۇرىلدى، ءىس تەرگەلىپ جاتىر»، - دەپ حابارلادى مەكەمەنىڭ باسپا ءسوز قىزمەتىنەن.

كاسىپورىن باسشىلىعى مارقۇمنىڭ جاقىندارىنا كوڭىل ايتتى.

«قازا تاپقان قىزمەتكەردىڭ وتباسىنا بارلىق قاجەتتى قولداۋ ۇجىمدىق كەلىسىمشارتقا سايكەس كورسەتىلەتىن بولادى ، - دەپ جازدى كومپانيا وكىلدەرى.